പാരിസ്: പാരാലിംപിക്സിൽ ഇന്ത്യക്ക് വീണ്ടും മെഡൽ. പുരുഷൻമാരുടെ ഹൈജംപ്-ടി47ൽ ഇന്ത്യയുടെ നിഷാദ് കുമാർ വെള്ളി നേടി. 2.04 മീറ്ററോടെ സീസണിലെ മികച്ച പ്രകടനമായിരുന്നു നിഷേദിന്റേത്. ഇതോടെ ഇന്ത്യയുടെ മെഡൽ നേട്ടം ഏഴായി. നേരത്തെ, വനിതകളുടെ 200 മീറ്റർ ടി35ൽ ഇന്ത്യയുടെ പ്രീതി പാൽ വെങ്കലം നേടിയിരുന്നു. പാരിസിൽ പ്രീതിയുടെ രണ്ടാം മെഡലായിരുന്നു അത്.
ഇതോടെ, രണ്ടു മെഡലുകൾ നേടുന്ന ആദ്യ ഇന്ത്യൻ വനിതാ ട്രാക്ക് ആൻഡ് ഫീൽഡ് അത്ലീറ്റായി പ്രീതി പാൽ ചരിത്രം സൃഷ്ടിച്ചു. ഉത്തർപ്രദേശിലെ മുസാഫർനഗർ സ്വദേശിനിയായ പ്രീതി പാൽ, സാധാരണ കർഷക കുടുംബത്തിലാണ് ജനിച്ചത്. മെയിൽ നടന്ന ലോക പാരാ അത്ലറ്റിക്സ് ചാംപ്യൻഷിപ്പിൽ ഇതേ ഇനത്തിൽ വെങ്കലം നേടിയിരുന്നു.
പ്രീതിയുടെ വിജയത്തെ അഭിനന്ദിച്ച പ്രധാനമന്ത്രി നരേന്ദ്രമോദി, വളർന്നുവരുന്ന കായിക താരങ്ങളെ ഈ വിജയം തീർച്ചയായും പ്രചോദിപ്പിക്കുമെന്ന് എക്സിൽ കുറിച്ചു. നേരത്തെ, വനിതാ വിഭാഗം ഷൂട്ടിങ്ങിൽ അവനി ലെഘാരെ സ്വർണവും മോന അഗർവാൾ വെങ്കലവും നേടിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
