മലപ്പുറം: ബസിൽ നിന്ന് ഇറക്കി വിട്ടതിൽ പ്രതിഷേധിച്ച് കോട്ടക്കലിൽ യാത്രക്കാരൻ കെഎസ്ആർടിസിക്ക് നേരെ കല്ലെറിഞ്ഞു. സംഭവത്തിൽ കെഎസ്ആർടിസി കണ്ടക്ടർക്ക് പരിക്കേറ്റു. പാല അയർകുന്നം സ്വദേശി കെഎസ് സന്തോഷിനാണ് ബസിന്റെ പിന്നിലെ ഗ്ളാസ് തകർന്ന് പരിക്കേറ്റത്.
ഇരിട്ടിയിൽ നിന്ന് പാലായിലേക്ക് പോകുകയായിരുന്ന ഫാസ്‌റ്റ് പാസഞ്ചർ ബസിന് നേരെയാണ് കല്ലേറുണ്ടായത്. ബസിൽ മദ്യപിച്ച് കയറിയ യാത്രക്കാരനോട് കണ്ടക്‌ടർ ടിക്കറ്റെടുക്കാൻ ആവശ്യപെട്ടതോടെയാണ് സംഭവം വഷളായത്. ടിക്കറ്റെടുക്കാൻ യാത്രക്കാരൻ തയ്യാറായില്ല. തുടർന്ന് ഇയാൾ കണ്ടക്‌ടറോട് തട്ടി കയറുകയും ചെയ്‌തു.
പിന്നീട് ഇയാളെ ബസിൽ നിന്ന് ഇറക്കി വിടുകയായിരുന്നു. ഇതിൽ ക്ഷുഭിതനായ യാത്രക്കാരൻ ബസിന്റെ പിൻ ഗ്ളാസിന് നേരെ കല്ലെറിയുകയായിരുന്നു. തുടർന്ന് ഇയാൾ ഓടി രക്ഷപ്പെട്ടു . കല്ലേറിൽ സന്തോഷിന്റെ മുഖത്താണ് പരിക്കേറ്റത്. മുറിവിൽ 24 തുന്നുണ്ട്. ഇയാൾ ചങ്കുവെട്ടിയിലെ സ്വകാര്യ ആശുപത്രിയിൽ ചികിൽസയിലാണ്.
സ്‌ഥലത്തെ സിസിടിവി ദൃശ്യങ്ങൾ പരിശോധിച്ച് അന്വേഷണം ആരംഭിച്ചതായി കൽപകഞ്ചേരി സിഐ റിയാസ് രാജ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
