തിരുവനന്തപുരം : തദ്ദേശ തിരഞ്ഞെടുപ്പ് ഉടന്‍ നടത്തരുത് എന്ന ആവശ്യവുമായി പിസി ജോര്‍ജ് എംഎല്‍എ ഉപവാസ സമരം ആരംഭിച്ചു. സെക്രട്ടേറിയറ്റിന് മുന്നിലാണ് ഉപവാസമിരിക്കുന്നത്. കോവിഡ് വ്യാപനം സംസ്‌ഥാനത്ത് രൂക്ഷമായി നിലനില്‍ക്കുന്ന സാഹചര്യത്തില്‍ തിരഞ്ഞെടുപ്പ് നീട്ടി വെക്കണം എന്നാണ് അദ്ദേഹം ആവശ്യപ്പെടുന്നത്.
കോവിഡ് വ്യാപനം കണക്കിലെടുക്കാതെ തിരഞ്ഞെടുപ്പ് നടത്തിയാല്‍ അത് രോഗികളുടെ എണ്ണം വീണ്ടും വര്‍ധിക്കാനാണ് ഇടയാക്കുക എന്ന് അദ്ദേഹം വ്യക്‌തമാക്കി. വരാനിരിക്കുന്ന നിയമസഭാ തിരഞ്ഞെടുപ്പിന് ഒപ്പം തദ്ദേശ തിരഞ്ഞെടുപ്പും നടത്തിയാല്‍ മതിയെന്നാണ് പിസി ജോര്‍ജ് ആവശ്യപ്പെടുന്നത്. നിലവിലെ സാഹചര്യത്തില്‍ രണ്ട് തിരഞ്ഞെടുപ്പ് നടത്തുന്നത് സംസ്‌ഥാനത്തെ സാമ്പത്തികമായും തകര്‍ക്കുമെന്നാണ് അദ്ദേഹം വ്യക്‌തമാക്കുന്നത്‌.
Read also : കോടതി അനുമതി നല്‍കി; ബിനീഷിനെ ഇന്ന് അഭിഭാഷകന്‍ സന്ദര്‍ശിക്കും
