ന്യൂഡെൽഹി: പികെ കുഞ്ഞാലിക്കുട്ടി ലോക്സഭാ എംപി സ്ഥാനം രാജിവച്ചു. മുസ്ലിം ലീഗ് നേതാക്കളായ ഇടി മുഹമ്മദ് ബഷീർ എംപി, പിവി അബ്ദുൾ വഹാബ് എംപി, നവാസ്കനി എംപി (തമിഴ്നാട്), എന്നിവർക്കൊപ്പം ലോക്സഭാ സ്പീക്കർ ഓം ബിർളയുടെ ചേംബറിലെത്തിയാണ് രാജിക്കത്ത് കൈമാറിയത്.
വരാനിരിക്കുന്ന കേരള നിയമസഭ തിരഞ്ഞടുപ്പിൽ മൽസരിക്കണമെന്ന മുസ്ലിം ലീഗ് ദേശീയ കമ്മിറ്റിയുടെയും സംസ്ഥാന കമ്മറ്റിയുടെയും തീരുമാനം കണക്കിലെടുത്താണ് കുഞ്ഞാലിക്കുട്ടി രാജിവച്ചത്.
മുസ്ലിം ലീഗ് രാഷ്ട്രീയകാര്യ സമിതി ചെയർമാൻ സയ്യിദ് ഹൈദരലി ശിഹാബ് തങ്ങളാണ് രാജിവെക്കാൻ നിർദ്ദേശം നൽകിയതെന്ന് മുസ്ലിം ലീഗ് നേതൃത്വം വാർത്താകുറിപ്പിലൂടെ അറിയിച്ചു. ജനുവരിയിൽ രാജി വെക്കാനായിരുന്നു ആദ്യ തീരുമാനിച്ചത്. നിയമസഭാ തിരഞ്ഞെടുപ്പിനൊപ്പം ഉപതിരഞ്ഞെടുപ്പും നടത്തുകയെന്ന ലക്ഷ്യത്തോടെയാണ് രാജി വൈകിയത്.
നിയമസഭാ തിരഞ്ഞെടുപ്പിൽ ലീഗിനെ നയിക്കുക കുഞ്ഞാലിക്കുട്ടി തന്നെയായിരിക്കും. ഉപതിരഞ്ഞെടുപ്പിൽ മലപ്പുറത്തേക്ക് യുവ നേതാക്കളെ പരിഗണിക്കാനാണ് തീരുമാനമെന്ന് ലീഗ് നേതൃത്വം അറിയിച്ചിരുന്നു. എന്നാൽ അത് എത്ര കണ്ട് സാധ്യമാണെന്ന് വ്യക്തമല്ല. കുഞ്ഞാലികുട്ടിയുടെ തിരിച്ചുവരവ് ഏറെ ചർച്ചയായപ്പോൾ ലീഗിലെ ഒരു വിഭാഗം ഇതിനോട് പ്രതികൂല നിലപാട് സ്വീകരിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
