തിരുവനന്തപുരം: സർക്കാർ- എയ്ഡഡ് സ്കൂളുകളിലെ അധ്യാപകർ സ്വകാര്യ ട്യൂഷൻ എടുക്കുന്നതിനെതിരെ നടപടിയുമായി പൊതുവിദ്യാഭ്യാസ വകുപ്പ്. വിജിലൻസ് പിടികൂടിയ ഏഴ് അധ്യാപകർക്ക് കാരണംകാണിക്കൽ നോട്ടീസ് നൽകി. ഇത് സംബന്ധിച്ച കൂടുതൽ പരിശോധനകൾ വിജിലൻസിന്റെ സഹായത്തോടെ നടത്താനാണ് വിദ്യാഭ്യാസ വകുപ്പിന്റെ തീരുമാനം.
അതേസമയം, സർക്കാർ അംഗീകാരമില്ലാതെ സംസ്ഥാനത്ത് പ്രവർത്തിക്കുന്ന സ്കൂളുകളിൽ പ്രവേശനം നേടിയ വിദ്യാർഥികൾക്ക് തുടർപഠനം സാധ്യമാക്കുന്നതിനുള്ള നടപടികളും പൊതുവിദ്യാഭ്യാസ വകുപ്പ് കൈക്കൊണ്ടു. അംഗീകാരമില്ലാത്ത സ്കൂളുകളിൽ ഒന്ന് മുതൽ ഒൻപത് വരെ ക്ളാസുകളിൽ പഠിക്കുന്ന കുട്ടികൾക്ക് തുടർപഠനം സാധ്യമാക്കാൻ അംഗീകാരമുള്ള സ്കൂളുകളിൽ രണ്ടുമുതൽ എട്ടുവരെ ക്ളാസുകളിൽ വിദ്യാഭ്യാസ അവകാശ നിയമപ്രകാരം വയസ് അടിസ്ഥാനത്തിലും 9, 10 ക്ളാസുകളിൽ വയസിന്റെയും ഒരു പ്രവേശന പരീക്ഷയുടെയും അടിസ്ഥാനത്തിലും പ്രവേശനം നൽകുന്നതിന് വകുപ്പ് അനുമതി നൽകി.
Most Read: പ്രതിപക്ഷ നേതാവ് വിഡി സതീശന് വധഭീഷണി; ഡിജിപിക്ക് പരാതി നൽകി