പ്രിയദർശിനി ജനപക്ഷ വേദി പ്രവർത്തകർ 'മിഹ്സ' ചെയർമാൻ സി രഘുനാഥന് പുസ്‌തകങ്ങൾ കൈമാറുന്നു
പൊന്നാനി: പൂർവ വിദ്യാർഥി കൂട്ടായ്‌മ ‘മിഹ്സ’ എംഐ ഹൈസ്‌കൂളിന് വേണ്ടി നിർമിച്ച ലൈബ്രറിക്ക് പ്രിയദർശിനി ജനപക്ഷ വേദിയുടെ പിന്തുണ. പുതുതായി നിർമിച്ച ലൈബ്രറിക്ക് പുസ്‌തകങ്ങൾ നൽകിയാണ് ജനപക്ഷ വേദി തങ്ങളുടെ പിന്തുണ അറിയിച്ചത്.
ശിശുദിനത്തോട് അനുബന്ധിച്ച് നടന്ന പരിപാടിയിലാണ് രാഷ്‌ട്രപിതാവ് മാഹത്‌മാഗാന്ധിയുടെ ജീവിതവും വീക്ഷണവുമായി ബന്ധപ്പെട്ട പുസ്‌തങ്ങളുടെ സമർപ്പണം നടന്നത്. വിഷയത്തെ അടിസ്‌ഥാനമാക്കി തിരഞ്ഞെടുത്ത അമ്പത്തിയൊന്ന് പുസ്‌തകങ്ങളാണ് ഡിസിസി ജനറൽ സെക്രട്ടറി ടികെ അഷറഫ്, മിഹ്സ ചെയർമാൻ സി രഘുനാഥിന് കൈമാറിയത്.
സ്‌കൂൾ മാനേജ്‌മെന്റ് പ്രതിനിധി എഎം അബ്‌ദുസമദ്, കെഎം അബ്‌ദുറഹ്‌മാൻ, എം ഫസലുറഹ്‌മാൻ, ലൈബ്രറി കൺവീനർ കെ നിസാർ, മുഹമ്മദ് പൊന്നാനി, കെപി ജമാലുദ്ധീൻ, അറക്കൽ നസീം എന്നിവർ ചടങ്ങിൽ സംബന്ധിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
