തൃശൂർ: സാമ്പത്തിക ക്രമക്കേട് ആരോപണത്തിൽ കരുവന്നൂര്‍ സഹകരണ ബാങ്കിനെതിരെ സമരം ചെയ്‌ത മുന്‍ സിപിഐഎം നേതാവിനെ കാണാനില്ലെന്ന് പരാതി. സിപിഐഎം മുന്‍ ബ്രാഞ്ച് സെക്രട്ടറി സുജേഷ് കണ്ണാട്ടിനെയാണ് കാണാതായത്. സുജേഷിന്റെ കുടുംബം ഇരിങ്ങാലക്കുട പോലീസിൽ പരാതി നല്‍കി.
ഇരിങ്ങാലക്കുട മാടായിക്കോണം മുന്‍ ബ്രാഞ്ച് സെക്രട്ടറിയായിരുന്നു സുജേഷ് കണ്ണാട്ട്. കരുവന്നൂര്‍ സഹകരണ ബാങ്ക് അഴിമതിക്കെതിരെ സമരം നടത്തിയതിന് ഇദ്ദേഹത്തെ പാര്‍ട്ടി പുറത്താക്കുകയായിരുന്നു. കേസില്‍ പ്രതിയായ ബിജു കരീമിനെതിരെ സംസാരിച്ചതിനാണ് പാര്‍ട്ടിയിൽ നിന്ന് പുറത്താക്കിയതെന്ന് സുജേഷ് നേരത്തെ പറഞ്ഞിരുന്നു. സുജേഷിനെ പുറത്താക്കിയതില്‍ പ്രതിഷേധിച്ച് സിപിഐഎം പ്രാദേശിക തലത്തില്‍ കൂട്ടരാജിയും നടന്നിരുന്നു. സുജേഷിന്റെ കുടുംബത്തിന്റെ പരാതിയിൽ പോലീസ് അന്വേഷണം ആരംഭിച്ചിട്ടുണ്ടെന്നാണ് വിവരം.
Also Read: തടവുകാരുടെ അനധികൃത ഫോൺ വിളി; അന്വേഷണം ക്രൈം ബ്രാഞ്ചിന്
