തിരുവനന്തപുരം : പ്രവാസികളുടെ ക്വാറന്റൈന് കാലാവധി കുറച്ചു കൊണ്ട് സംസ്ഥാന സര്ക്കാര് ഉത്തരവ് പുറത്തിറക്കി. ഇനി മുതല് കേരളത്തില് എത്തുന്ന പ്രവാസികള്ക്ക് 7 ദിവസം ക്വാറന്റൈനില് കഴിഞ്ഞാല് മതിയാകും. നേരത്തെ 14 ദിവസമായിരുന്നു ക്വാറന്റൈന് കാലാവധി. 7 ദിവസത്തെ ക്വാറന്റൈന് കഴിഞ്ഞ ശേഷം കോവിഡ് പരിശോധന നടത്തണം. പരിശോധനയില് നെഗറ്റീവ് ആയാല് പുറത്തിറങ്ങുന്നതിന് പ്രശ്നമില്ലെന്നും ഉത്തരവില് വ്യക്തമാക്കുന്നുണ്ട്.
പ്രവാസികള് യാത്രക്ക് മുന്പ് കോവിഡ് പരിശോധന നടത്തണം. നെഗറ്റീവ് ആകുന്നവര്ക്ക് ഇനി മുതല് നാട്ടില് 7 ദിവസം ക്വാറന്റൈനില് കഴിഞ്ഞാല് മതിയാകും. 7 ദിവസങ്ങള്ക്ക് ശേഷം കോവിഡ് പരിശോധന നടത്താത്തവരും പരിശോധനയില് പോസിറ്റീവ് ആകുന്നവരും 14 ദിവസം ക്വാറന്റൈനില് തുടരേണ്ടി വരും.
നാട്ടില് എത്തുന്ന പ്രവാസികള് നേരത്തെ 7 ദിവസം സര്ക്കാര് നിര്ദ്ദേശിക്കുന്ന സ്ഥലത്ത് ക്വാറന്റൈനില് കഴിയണമായിരുന്നു. അതിന് ശേഷം രോഗലക്ഷണങ്ങള് പ്രകടിപ്പിച്ചില്ലെങ്കില് തുടര്ന്നുള്ള 7 ദിവസങ്ങളില് വീടുകളില് ക്വാറന്റൈനില് തുടരണമായിരുന്നു.
Read also : ഡോക്ടറേറ്റ് വ്യാജമെന്ന് ആരോപണം; വിജയ് പി. നായര്ക്കെതിരെ നടപടി