തിരുവനന്തപുരം: കോണ്‍ഗ്രസിന്റെ രാജ്യസഭാ സ്‌ഥാനാര്‍ഥിയുടെ കാര്യത്തില്‍ തര്‍ക്കം തുടരുന്നു. ഡെല്‍ഹിയില്‍ നിന്ന് തിരികെ എത്തിയ കെ സുധാകരന് മുതിര്‍ന്ന നേതാക്കളുമായി ഇന്ന് ആശയ വിനിമയം നടത്തും. അന്തിമ പട്ടിക ഇന്ന് ഹൈക്കമാന്‍ഡിന് കൈമാറുമെന്ന് നേതാക്കള്‍ അറിയിച്ചിട്ടുണ്ട്. സമവായമില്ലാതെ ചര്‍ച്ചകള്‍ നീണ്ടതോടെ പരിഗണിക്കുന്ന പേരുകളുടെ എണ്ണം കൂടി.
എം ലിജുവിനായി കെ സുധാകരന് തന്നെ രംഗത്ത് വന്നത് മറ്റ് നേതാക്കളെ പ്രകോപിതരാക്കി. തിരഞ്ഞെടുപ്പുകളില്‍ മൽസരിച്ച് തോറ്റവരെ സ്‌ഥാനാർഥിയാക്കി നിർത്തേണ്ടതില്ലെന്ന വാദമാണ് സുധാകരന് തിരിച്ചടിയായത്. തര്‍ക്കങ്ങള്‍ മുറുകിയതോടെ പ്രശ്‌ന പരിഹാരത്തിനായി സ്‌ഥാനാർഥിയെ നിശ്‌ചയിക്കാനുള്ള മാനദണ്ഡവും കേരളത്തില്‍ തന്നെ തീരുമാനിക്കാനാണ് ഹൈക്കമാന്‍ഡ് നിര്‍ദ്ദേശം.
മുതിര്‍ന്ന നേതാക്കളുമായി ആശയ വിനിമയം നടത്തി ഇന്ന് തന്നെ പട്ടിക തയ്യാറാക്കുമെന്നാണ് നേതൃത്വവുമായി അടുപ്പമുള്ള നേതാക്കള്‍ പറയുന്നത്. ഇതുവരെ ഉയര്‍ന്ന പേരുകളില്‍ അഭിപ്രായ ഭിന്നതകള്‍ ഉള്ളതിനാല്‍ പുതുമുഖത്തിന് അവസരം ലഭിക്കാനുള്ള സാധ്യതയും തള്ളിക്കളയാനാവില്ല. യുവത്വത്തിന് പ്രാധാന്യം നല്‍കണമെന്ന ആവശ്യവും പരിഗണിക്കാനിടയുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
