മുംബൈ: ബോളിവുഡ് താരം രൺബീർ കപൂറിന് കോവിഡ് സ്‌ഥിരീകരിച്ചു. നേരത്തേ തന്നെ താരത്തിന് കോവിഡ് ബാധിച്ചതായി വാർത്തകൾ പുറത്തു വന്നിരുന്നുവെങ്കിലും ഇപ്പോഴാണ് ഔദ്യോഗിക സ്‌ഥിരീകരണം വന്നത്. രൺബീറിന്റെ മാതാവ് നീതു കപൂറാണ് താരത്തിന് കോവിഡ് ബാധിച്ചതായി സമൂഹ മാദ്ധ്യമങ്ങളിലൂടെ അറിയിച്ചത്.
താരം വീട്ടിൽ ക്വാറന്റീനിൽ കഴിയുകയാണെന്നും രോഗം ഭേദമായി വരുന്നതായും നീതു കപൂർ വ്യക്‌തമാക്കി.
View this post on Instagram
നേരത്തെ നീതു കപൂറിനും കോവിഡ് സ്‌ഥിരീകരിച്ചിരുന്നു. ‘ജഗ് ജഗ് ജിയോ’ എന്ന ചിത്രത്തിന്റെ ലോക്കേഷനിൽ വെച്ചായിരുന്നു നീതുവിന് കോവിഡ് ബാധിച്ചത്. ഇതേ ചിത്രത്തിൽ അഭിനയിച്ച വരുൺ ധവാനും കോവിഡ് ബാധിച്ചിരുന്നു. അതേസമയം നീതുവിന് കോവിഡ് നെഗറ്റീവായതിന് പിന്നാലെയാണ് ഇപ്പോൾ റൺബീറിന് രോഗബാധ സ്‌ഥിരീകരിച്ചത്.
അയാൻ മുഖർജി സംവിധാനം ചെയ്യുന്ന രൺബീർ ചിത്രം ‘ബ്രഹ്‌മാസ്‍ത്ര’ റീലീസിനൊരുങ്ങുകയാണ്. ഇതുവരെ ചിത്രത്തിന്റെ റിലീസ് ഡേറ്റ് ഔദ്യോഗികമായി പ്രഖ്യാപിച്ചിട്ടില്ല. ആലിയ ഭട്ടാണ് ചിത്രത്തിലെ നായിക.
വാണി കപൂർ നായികയായി എത്തുന്ന ‘ശംഷേറ’, സന്ദീപ് റെഡ്ഡിയുടെ ‘ആനിമൽ’ എന്നീ ചിത്രങ്ങളിലും രൺബീർ അഭിനയിക്കുന്നുണ്ട്. കൂടാതെ എൽയുവി രഞ്‌ജന്റെ പേരിടാത്ത ചിത്രത്തിലും രൺബീർ കപൂർ തന്നെയാണ് നായകൻ.
Read Also: ആർത്തവത്തിന്റെ പേരിൽ സ്‌ത്രീകളെ മാറ്റി നിർത്തരുത്; ഗുജറാത്ത് ഹൈക്കോടതി
