ന്യൂഡെല്‍ഹി: നാല്‍പതുകഴിഞ്ഞ എല്ലാ തൊഴിലാളികള്‍ക്കും ജീവനക്കാര്‍ക്കും സൗജന്യ വൈദ്യപരിശോധന ഉറപ്പാക്കാന്‍ ചട്ടംവരുന്നു. ഓരോ വര്‍ഷവും ആദ്യത്തെ മൂന്നു മാസത്തിനുള്ളില്‍ തൊഴിലുടമ അതിനുള്ള സൗകര്യം ചെയ്‌തുകൊടുക്കണം. എല്ലാ മേഖലയിലേയും തൊഴില്‍ സ്‌ഥാപനങ്ങള്‍ക്ക് നിയമം ബാധകമാണ്. നിയമത്തിന്റെ കരടുചട്ടം ഉടനെ വിജ്‌ഞാപനം ചെയ്യും.
പാര്‍ലമെന്റ് കഴിഞ്ഞ സമ്മേളനത്തില്‍ തൊഴിലിടങ്ങളിലെ സുരക്ഷ, ആരോഗ്യം എന്നിവയുമായി ബന്ധപ്പെട്ട് പാസാക്കിയ നിയമത്തിന്റെ (ഒഎസ്എച്ച് കോഡ്) കരടുചട്ടത്തിലാണ് ഈ വ്യവസ്‌ഥ കൊണ്ടുവരുന്നത്. നിലവില്‍ പല സ്വകാര്യ സ്‌ഥാപനങ്ങളിലും തൊഴിലുടമ ആരോഗ്യ ഇന്‍ഷുറന്‍സ് നല്‍കുന്നുണ്ട്. എന്നാല്‍ തൊഴിലാളികള്‍ക്കും ജീവനക്കാര്‍ക്കും സൗജന്യ വൈദ്യപരിശോധന നടത്തുന്നില്ല.
Read Also: സിബിഐക്കുള്ള പൊതു അനുമതി പിന്‍വലിക്കുന്ന എട്ടാമത്തെ സംസ്‌ഥാനമായി പഞ്ചാബ്
നിയമത്തിന്റെ കരട്ചട്ടം ഉടനെ വിജ്‌ഞാപനം ചെയ്യുമെന്നാണ് അറിയുന്നത്. കൂടാതെ നിയമം എല്ലാ മേഖലയിലേയും തൊഴില്‍ സ്‌ഥാപനങ്ങള്‍ക്ക് ബാധകമാണ്. പൊതുജനങ്ങള്‍ക്ക് നിയമവുമായി ബന്ധപ്പെട്ട അഭിപ്രായം അറിയിക്കാന്‍ ഒരുമാസത്തെ സമയം അനുവദിക്കും. അതേസമയം ഏപ്രില്‍ ഒന്നിന് നാലു പുതിയ തൊഴില്‍ കോഡുകള്‍ പ്രാബല്യത്തിലാക്കാനും ആലോചനയുണ്ട്.
