മലപ്പുറം: നിയന്ത്രണങ്ങൾ ലംഘിച്ച് കടലുണ്ടിപ്പുഴയിൽ മണൽ വാരൽ സജീവം. രഹസ്യ വിവരത്തിന്റെ അടിസ്ഥാനത്തിൽ മലപ്പുറം പോലീസ് നടത്തിയ പരിശോധനയിൽ മണൽ വാരാൻ ഉപയോഗിച്ച തോണിയും 500 ചാക്ക് മണലും പിടികൂടി.
ഇന്നലെ ഉച്ചക്ക് 12ന് കൂട്ടിലങ്ങാടി മോദി കടവിൽ നിന്നാണ് സിഐ പ്രേംസദന്റെ നേതൃത്വത്തിലുള്ള പോലീസ് സംഘം തോണി പിടികൂടിയത്. 500 ചാക്കുകളിലായി പുഴയോരത്ത് സൂക്ഷിച്ചിരുന്ന മണലും പിടിച്ചെടുത്തു. കടവിൽനിന്നു പിടിച്ചെടുത്ത തോണി പിന്നീട് കാട്ടുങ്ങൽ പനംപറ്റ കടവിലെത്തിച്ചു, നാട്ടുകാരുടെ കൂടി സഹായത്തോടെ ലോറിയിൽ കയറ്റി കോട്ടപ്പടി മുനിസിപ്പൽ ബസ് സ്റ്റാൻഡ് പരിസരത്തേക്കു മാറ്റി.
നിലവിൽ ജില്ലയിലെ പുഴകളിൽനിന്നു മണൽ വാരുന്നതിനു നിരോധനമുണ്ട്. ചാലിയാർ, ഭാരതപ്പുഴ എന്നിവിടങ്ങളിൽ നിന്ന് മണൽ വാരുന്നതിനുള്ള സാൻഡ് ഓഡിറ്റ് പൂർത്തിയായെങ്കിലും തുടർനടപടിയായിട്ടില്ല.
Malabar News: കോഴിക്കോട് ജില്ലയിൽ 14 മാസം കൊണ്ട് ആരംഭിച്ചത് 980 സംരംഭങ്ങൾ