ഹൈദരാബാദ്: ആന്ധ്രപ്രദേശില് എസ്ബിഐ ജീവനക്കാരിയെ മുന് കാമുകന് കൊലപ്പെടുത്തി. അനന്തപൂര് ജില്ലയിലെ സ്നേഹലതയാണ് (19) കൊല്ലപ്പെട്ടത്. കേസില് പ്രതി രാജേഷിനെ അറസ്റ്റ് ചെയ്തു. പെണ്കുട്ടിക്ക് മറ്റൊരാളുമായി ബന്ധമുണ്ടെന്ന് ആരോപിച്ചായിരുന്നു കൊലപാതകം.
എസ്ബിഐയിലെ കരാര് ജീവനക്കാരിയായ സ്നേഹലത ജോലി ലഭിച്ചതിന് ശേഷം രാജേഷുമായി അകന്നു. പിന്നീട് കോളേജിലെ സഹപാഠിയുമായി പ്രണയത്തിലായി. ഇതാണ് രാജേഷിനെ പ്രകോപിപ്പിച്ചതെന്ന് പൊലീസ് പറയുന്നു.
കഴിഞ്ഞ ദിവസം സ്നേഹലതയും രാജേഷും തമ്മില് കണ്ടിരുന്നു. തുടര്ന്ന് ഇരുവരും തമ്മില് തര്ക്കമുണ്ടാവുകയും ശേഷം രാജേഷ് സ്നേഹലതയെ ശ്വാസം മുട്ടിച്ചു കൊന്ന ശേഷം ശരീരം തീയില് ഇട്ടു നശിപ്പിക്കാന് ശ്രമിക്കുകയായിരുന്നു. പെണ്കുട്ടിയെ കാണാനില്ലെന്ന ബന്ധുക്കളുടെ പരാതിയില് പോലീസ് അന്വേഷിച്ചപ്പോഴാണ് പകുതി കത്തി കരിഞ്ഞ നിലയില് സ്നേഹലതയുടെ മൃതദേഹം കണ്ടെത്തിയത്. പ്രതി കുറ്റം സമ്മതിച്ചതായി പോലീസ് അറിയിച്ചു.
Read also: കാഞ്ഞങ്ങാട്ടെ കൊലപാതകം പാര്ട്ടിയെ തകര്ക്കാനുള്ള എതിരാളികളുടെ ഗൂഢാലോചന; എ വിജയരാഘവന്