ഡെൽഹി: റിലയൻസ് ഇൻഡസ്ട്രീസിന് 25 കോടി രൂപ പിഴയിട്ട് സെക്യൂരിറ്റി എക്‌സ്ചേഞ്ച് ബോർഡ് ഓഫ് ഇന്ത്യ. മുകേഷ് അംബാനി ഉൾപ്പടെയുള്ള പ്രൊമോട്ടർമാർക്കാണ് പിഴ ശിക്ഷ.
അഞ്ച് ശതമാനത്തിൽ കൂടുതൽ ഓഹരികൾ പ്രൊമോട്ടർമാർ വാങ്ങിയത് സെബിയെ അറിയിക്കാതിരുന്നതാണ് കാരണം. മാർച്ച് 1999 മുതൽ മാർച്ച് 2000 വരെ 6.83 ശതമാനം ഓഹരികൾ റിലയൻസ് പ്രൊമോട്ടർമാർ വാങ്ങിയിരുന്നു. ഇത് കമ്പനി സെബിയെ അറിയിച്ചിരുന്നില്ല.
ഓഹരികൾ വാങ്ങിയതുമായി ബന്ധപ്പെട്ട് റിലയൻസ് പൊതു അറിയിപ്പൊന്നും നൽകിയിരുന്നുമില്ല. അതേസമയം, ഇന്നും ഓഹരി വിപണിയിൽ റിലയൻസ് ഓഹരികളുടെ വില ഉയർന്നു. 0.9 ശതമാനം നേട്ടത്തോടെയാണ് റിലയൻസ് വ്യാപാരം അവസാനിപ്പിച്ചത്.
Kerala News: കോവിഡ് പ്രതിരോധം: ഉന്നതതല യോഗം ചേർന്നു; പരീക്ഷ എഴുതാം ജാഗ്രതയോടെ
