സുരക്ഷാ ചിലവ്; മഅദ്‌നിയുടെ ഹരജി സുപ്രീം കോടതി ഇന്ന് പരിഗണിക്കും
ജാമ്യവ്യവസ്‌ഥയിൽ ഇളവ് ലഭിച്ചു കേരളത്തിലേക്ക് പോകുന്ന തനിക്ക് സുരക്ഷ നൽകാൻ കർണാടക പോലീസ് വലിയ തുക ആവശ്യപ്പെട്ടെന്നാണ് മഅദ്‌നി ഹരജിയിൽ ആരോപിക്കുന്നത്. കേരളത്തിലേക്ക് പോകുന്നതിനുള്ള സുരക്ഷക്കും അകമ്പടിക്കുമായി മഅദ്‌നി 56.63 ലക്ഷം രൂപ നൽകണമെന്നാണ് കർണാടകത്തിന്റെ നിലപാട്.
ന്യൂഡെൽഹി: സുരക്ഷക്കായി കർണാടക പോലീസ് വലിയ തുക ആവശ്യപ്പെട്ടെന്ന അബ്‌ദുള്‍ നാസര്‍ മഅദ്‌നിയുടെ ഹരജി സുപ്രീം കോടതി ഇന്ന് പരിഗണിക്കും. ജാമ്യവ്യവസ്‌ഥയിൽ ഇളവ് ലഭിച്ചു കേരളത്തിലേക്ക് പോകുന്ന തനിക്ക് സുരക്ഷ നൽകാൻ കർണാടക പോലീസ് വലിയ തുക ആവശ്യപ്പെട്ടെന്നാണ് മഅദ്‌നി ഹരജിയിൽ ആരോപിക്കുന്നത്.
ജസ്‌റ്റിസ്‌ അജയ് രസ്‌തോഗി അധ്യക്ഷനായ ബെഞ്ചാണ് ഇന്ന് ഹരജി പരിഗണിക്കുക. അതിനിടെ, കേരളത്തിലേക്ക് പോകുന്ന മഅദ്‌നിയുടെ സുരക്ഷക്കായി ആവശ്യപ്പെട്ട തുക വിശദമായ പരിശോധനയുടെ അടിസ്‌ഥാനത്തിൽ തയ്യാറാക്കിയതാണെന്നും, തുക കുറയ്‌ക്കാനാകില്ലെന്നും കർണാടക സർക്കാർ കഴിഞ്ഞ ദിവസം സുപ്രീം കോടതിയിൽ സത്യവാങ്‌മൂലം നൽകിയിട്ടുണ്ട്.
ബെംഗളൂരു സിറ്റി പോലീസ് കമ്മീഷണറേറ്റിലെ യതീഷ് ചന്ദ്രയുടെ നേതൃത്വത്തിലുള്ള സംഘം കേരളം സന്ദർശിച്ചാണ് അകമ്പടി സംബന്ധിച്ച ശുപാർശ തയ്യാറാക്കിയതെന്നും സത്യാവാങ്മൂലത്തിൽ സർക്കാർ വ്യക്‌തമാക്കിയിരുന്നു. കേരളത്തിലേക്ക് പോകുന്നതിനുള്ള സുരക്ഷക്കും അകമ്പടിക്കുമായി മഅദ്‌നി 56.63 ലക്ഷം രൂപ നൽകണമെന്നാണ് കർണാടകത്തിന്റെ നിലപാട്.
20 പോലീസുകാർ അകമ്പടിക്കായി മഅദ്‌നിക്കൊപ്പം കേരളത്തിലേക്ക് പോകേണ്ടി വരും. ഇവരുടെ ചിലവിനായി പ്രതിമാസം 20.23 ലക്ഷം രൂപയാണ് വേണ്ടി വരിക. അപ്രകാരം 56.63 ലക്ഷം രൂപയാണ് ആകെ ചിലവ് വരിക. ഇതാണ് മഅദ്‌നിയോട് ആവശ്യപ്പെട്ടതെന്ന് സർക്കാർ സമർപ്പിച്ച സത്യവാങ്മൂലത്തിൽ ചൂണ്ടിക്കാട്ടുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
