ബോളിവുഡ് കിങ് ഖാൻ ഷാറൂഖ് ഖാനും താപ്‌സി പന്നുവും ആദ്യമായി ഒന്നിക്കുന്നതായി റിപ്പോര്‍ട്ടുകള്‍. കുടിയേറ്റത്തെ ആസ്‌പദമാക്കി രാജ്‌കുമാർ ഹിരാനി സംവിധാനം ചെയ്യുന്ന സോഷ്യല്‍ ഡ്രാമയിലാണ് ഇരുവരും ഒന്നിക്കുന്നതായി റിപ്പോർട്ടുകൾ പുറത്തുവന്നത്.
പഞ്ചാബില്‍ നിന്നും കാനഡയിലേക്ക് കുടിയേറി പാര്‍ത്ത വ്യക്‌തിയായാണ് ചിത്രത്തിൽ ഷാറൂഖ് ഖാന്‍ എത്തുന്നത്.
നിലവിൽ ‘പത്താന്‍’ എന്ന ചിത്രത്തിന്റെ ചിത്രീകരണത്തിലാണ് ഷാറൂഖ് ഖാന്‍. രണ്ട് വര്‍ഷത്തിന് ശേഷം താരം അഭിനയിക്കുന്ന ചിത്രത്തില്‍ ദീപിക പദുകോണാണ് നായിക. സിദ്ധാര്‍ഥ് ആനന്ദാണ് ചിത്രത്തിന്റെ സംവിധായകന്‍.
അതേസമയം ‘ലൂപ് ലപ്പേട്ട’ എന്ന ചിത്രത്തിന്റെ ഷൂട്ടിങ് പൂര്‍ത്തിയാക്കിയ താപ്‌സി നിലവില്‍ അനുരാഗ് കശ്യപിന്റെ ‘ദേ ബാരാ’ എന്ന ചിത്രത്തിലാണ് അഭിനയിക്കുന്നത്. ഇന്ത്യന്‍ ക്രിക്കറ്റര്‍ മിഥാലി രാജിന്റെ ബയോപിക്കിലും താരം കേന്ദ്ര കഥാപാത്രത്തെ അവതരിപ്പിക്കുന്നു.
‘സഞ്‌ജു’വാണ് രാജ്‌കുമാർ ഹിരാനിയുടേതായി പുറത്തിറങ്ങിയ അവസാന ചിത്രം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
