കോട്ടയം: കോട്ടയത്തെ ഷാൻ കൊലപാതകക്കേസിൽ പ്രതികളെ കസ്റ്റഡിയിൽ വാങ്ങാൻ പോലീസ് കോടതിയിൽ അപേക്ഷ നൽകും. 5 പ്രതികളെയും വിശദമായി ചോദ്യം ചെയ്യാൻ പത്ത് ദിവസത്തെ കസ്റ്റഡിയാണ് പോലീസ് ആവശ്യപ്പെടുന്നത്. ഇന്നലെ കേസിലെ 4 പ്രതികളെ കൂടി കോടതി റിമാൻഡ് ചെയ്തിരുന്നു. താൻ ഒറ്റക്കാണ് കൊലപാതകം ചെയ്തത് എന്നായിരുന്നു ഒന്നാം പ്രതി ജോമോന്റെ ആദ്യമൊഴി.
പിന്നീട് പോലീസ് നടത്തിയ വിശദമായ അന്വേഷണത്തിലാണ് കൊലപാതകത്തിൽ നേരിട്ട് പങ്കെടുത്ത പുല്ച്ചാടി ലുധീഷ്, കിരണ്, സുധീഷ്, ഓട്ടോ ഡ്രൈവർ ബിനു എന്നിവരെ പിടികൂടിയത്. പ്രതികൾക്കെതിരെ കൊലപാതകം, കൊലപ്പെടുത്താൻ വേണ്ടിയുള്ള തട്ടിക്കൊണ്ട് പോകൽ, ഗൂഢാലോചന, സംഘം ചേരൽ എന്നീ വകുപ്പുകളാണ് ചുമത്തിയിരിക്കുന്നത്.
Read Also: കോവിഡ് ഇന്ത്യ; 3 ലക്ഷത്തിലേറെ രോഗബാധ, കേരളത്തിൽ 34,199 കേസുകൾ