മുംബൈ: എൻസിപി അധ്യക്ഷൻ ശരദ് പവാറിന് പിത്താശയ സംബന്ധമായ രോഗം സ്‌ഥിരീകരിച്ചതിനെ തുടർന്ന് ഉടൻ ശസ്‌ത്രക്രിയക്ക്‌ വിധേയനാക്കും. മാർച്ച് 31നാണ് ശസ്‌ത്രക്രിയ നടക്കുകയെന്ന് എൻസിപി വക്‌താവ്‌ അറിയിച്ചു. നേരത്തെ 2004ലും ശരദ് പവാറിനെ ശസ്‌ത്രക്രിയക്ക്‌ വിധേയനാക്കിയിരുന്നു.
അടിവയറ്റിൽ വേദന അനുഭവപ്പെട്ടതിനെ തുടർന്ന് നടത്തിയ പരിശോധനയിലാണ് പവാറിന്റെ പിത്താശയത്തിൽ കല്ല് കണ്ടെത്തിയത്. രോഗം സ്‌ഥിരീകരിച്ചതിനെ തുടർന്ന് അദ്ദേഹത്തിന്റെ എല്ലാ പൊതുപരിപാടികളും ഇനിയൊരു അറിയിപ്പുണ്ടാകുന്നത് വരെ റദ്ദാക്കിയതായും എൻസിപി നേതാവ് നവാബ് മാലിക് ട്വീറ്റ് ചെയ്‌തു.
Read also: തദ്ദേശ തിരഞ്ഞെടുപ്പിൽ എൽഡിഎഫ് ജയിച്ചത് കള്ളവോട്ടിലൂടെ; ചെന്നിത്തല
