കോഴിക്കോട്: ജില്ലാ പഞ്ചായത്ത് പ്രസിഡണ്ടായി സിപിഎം സ്ഥാനാർഥി ഷീജ ശശി തിരഞ്ഞെടുക്കപ്പെട്ടു. 9നെതിരെ 16 വോട്ടുകൾ നേടിയാണ് വിജയം. ജില്ലാ പഞ്ചായത്ത് പ്രസിഡണ്ടായിരുന്ന കാനത്തിൽ ജമീല എംഎൽഎയായി തിരഞ്ഞെടുക്കപ്പെട്ട സാഹചര്യത്തിലാണ് പുതിയ പ്രസിഡണ്ട് തിരഞ്ഞെടുപ്പ് നടന്നത്.
വികസന സ്റ്റാൻഡിംഗ് കമ്മിറ്റി അധ്യക്ഷ സ്ഥാനത്ത് നിന്നാണ് ഷീജ ശശി കോഴിക്കോട് ജില്ലാ പഞ്ചായത്ത് പ്രസിഡണ്ടായി തിരഞ്ഞെടുക്കപ്പെട്ടത്. യുഡിഎഫ് സ്ഥാനാർഥിയായി മൽസരിച്ച കോൺഗ്രസിലെ അംബിക മംഗലത്തിന് 9 വോട്ടും ഷീജയ്ക്ക് 16 വോട്ടും ലഭിച്ചു. നിലവിലുള്ള 26 അംഗങ്ങളിൽ 25 പേർ വോട്ടെടുപ്പിൽ പങ്കെടുത്തു. ഒരു അംഗം ക്വാറന്റെയ്നിൽ ആയതിനാൽ വിട്ടുനിന്നു.
Read Also: നിയമസഭാ കയ്യാങ്കളി: സർക്കാർ അവാസ്തവമായ കാര്യങ്ങൾ പറയുന്നു; വിഡി സതീശൻ