പാലക്കാട്: ഷോളയാർ പവർ ഹൗസിൽ യുവാവ് ഷോക്കേറ്റ് മരിച്ചു. പെയിന്റിങ് തൊഴിലാളിയായ ശരത് ആണ് മരിച്ചത്. പവർ ഹൗസിൽ ജോലി ചെയ്തുകൊണ്ടിരിക്കെയാണ് അപകടം. ഷോക്കേറ്റ് ശരത് മുപ്പത് അടിയോളം ഉയരത്തിൽ നിന്നും താഴേക്ക് വീഴുകയായിരുന്നു. ശരത്തിനൊപ്പം ജോലി ചെയ്തിരുന്ന അജിത് എന്നയാൾക്കും ഷോക്കേറ്റിരുന്നു.
പെയിന്റിങ് ജോലി നടക്കുന്ന ഭാഗത്തെ ലൈനിൽ വൈദ്യുതി പ്രവഹിച്ചതാണ് അപകടത്തിന് കാരണമായതെന്നാണ് നിഗമനം. ഉടൻ തന്നെ ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും ശരത്തിന്റെ ജീവൻ രക്ഷിക്കാനായില്ല. അതേസമയം, ഷോക്കേറ്റ അജിത് നിലവിൽ ആശുപത്രിയിൽ ചികിൽസയിലാണ്. ഇരുവരും കോടാലി സ്വദേശികളാണ്.
Most Read: തലശ്ശേരിയിലെ വിദ്വേഷ മുദ്രാവാക്യം വിളി; 4 ബിജെപി പ്രവർത്തകർ റിമാൻഡിൽ