നിലമ്പൂര്‍: എസ്വൈഎസ് പ്രവർത്തകർ ആതുര സാന്ത്വന പ്രവർത്തനങ്ങളിൽ മുന്നിട്ടിറങ്ങാൻ തയാറാകണം. സമൂഹത്തിന്റെ ആവശ്യങ്ങൾ മനസിലാക്കി, കാലത്തിന് അനുയോജ്യമായ ആശയങ്ങൾ ഉൾക്കൊണ്ട് പ്രസ്‌ഥാനത്തെ കൂടുതൽ ജനകീയ വൽകരിക്കാൻ പുതിയ നേതൃത്വം മുന്നോട്ട് വരണമെന്നും ജില്ലാ ജനറൽ സെക്രട്ടറി കെപി ജമാൽ കരുളായി പറഞ്ഞു.
പുതുതായി തെരഞ്ഞെടുക്കപ്പെട്ട നിലമ്പൂര്‍, എടക്കര സോണ്‍ എസ്വൈഎസ്, ഡിവിഷന്‍ എസ്‌എസ്‌എഫ് ഭാരവാഹികള്‍ക്ക് മജ്‌മഅ് അക്കാദമിനൽകിയ സ്വീകരണ വിരുന്ന് ‘ളിയാഫ’ ഉൽഘാടനം ചെയ്‌ത്‌ സംസാരിക്കുകയായിരുന്നു ഇദ്ദേഹം. വിരുന്നിൽ മജ്‌മഅ് ജനറല്‍ സെക്രട്ടറി കൂറ്റമ്പാറ അബ്‌ദുറഹ്‌മാന്‍ ദാരിമി അധ്യക്ഷത വഹിച്ചു.
സയ്യിദ് ഹൈദരലി മഞ്ഞപ്പറ്റ, അബ്‌ദുല്ലസഅദി കൊടശ്ശേരി, എം അബ്‌ദുറഹ്‌മാന്‍, മുജീബ് അഹ്‌സനി, കുഞ്ഞാലൻ സഖാഫി, മുഹമ്മദ് ശരീഫ് സഅദി, ഹാരിസ് സഖാഫി, ലുഖ്‌മാനുൽ ഹക്കിം സഖാഫി എന്നിവര്‍ സംസാരിച്ചു. കഴിഞ്ഞ ദിവസം വിട പറഞ്ഞ സദഖത്തുല്ല സഖാഫി, മുർഷിദ് സഖാഫി എന്നിവരുടെ അനുസ്‌മരണവും നടന്നു.
Most Read: കേരള രാഷ്‌ട്രീയ സമവാഖ്യങ്ങൾ മാറ്റിമറിക്കാൻ ബിജെപിയുടെ അതിവൈകാരിക നേതാക്കളെത്തുന്നു
