മുംബൈ: വാഹനങ്ങളുടെ ജി എസ് ടി (ചരക്ക്, സേവന നികുതി) 10% കുറക്കണമെന്ന ആവശ്യവുമായി വാഹന നിര്‍മാതാക്കളുടെ സംഘടനയായ ‘സിയം’. സംഘടനയുടെ വാര്‍ഷിക യോഗത്തിലാണ് വാഹന നിര്‍മ്മാതാക്കള്‍ ആവശ്യം മുന്നോട്ട് വെച്ചത്.
രാജ്യത്ത് കോവിഡിനു മുന്‍പു തന്നെ തുടങ്ങിയ സാമ്പത്തിക വളര്‍ച്ചക്കുറവ് മറികടക്കാനും കൂടുതല്‍ വളര്‍ച്ച നേടാനും സര്‍ക്കാരിന്റ സഹായം അത്യാവശ്യമാണെന്ന് വാര്‍ഷികയോഗത്തില്‍ വാഹന വ്യവസായികള്‍ പറഞ്ഞു. യോഗത്തില്‍ പങ്കെടുത്ത ഘനവ്യവസായ മന്ത്രി പ്രകാശ് ജാവദേക്കര്‍ ജി എസ് ടി കുറക്കണമെന്ന ആവശ്യം പ്രധാനമന്ത്രിയുമായും ധനമന്ത്രിയുമായും ചര്‍ച്ച ചെയ്യുമെന്ന് അറിയിച്ചു.
