തിരുവനന്തപുരം: നിയമസഭാ തിരഞ്ഞെടുപ്പിൽ ഇക്കുറി ശോഭാ സുരേന്ദ്രൻ സ്ഥാനാർഥിയാകില്ലെന്ന് വ്യക്തമാക്കി എംടി രമേശ്. മൽസരത്തിനില്ലെന്നും തിരഞ്ഞെടുപ്പ് പ്രചാരണ രംഗത്ത് സജീവമാകുമെന്നും കേന്ദ്രത്തെ ശോഭ അറിയിച്ചതായും എംടി രമേശ് പറഞ്ഞു.
കൂടാതെ ബിജെപി അധികാരത്തിലെത്താൻ 71 സീറ്റിന്റെ ആവശ്യമില്ലെന്നും എംടി രമേശ് പറഞ്ഞു. 40 സീറ്റ് കിട്ടിയാൽ മറ്റ് കക്ഷികൾ ബിജെപിക്കൊപ്പം വരുമെന്നും ബിജെപി നേതാവ് അവകാശപ്പെട്ടു.
സ്ഥാനാർഥികളുമായി ബന്ധപ്പെട്ട അന്തിമ തീരുമാനം സ്ക്രീനിങ് കമ്മിറ്റിക്ക് ശേഷമുണ്ടാകുമെന്ന് പറഞ്ഞ എംടി രമേശ് നിലവിൽ സ്ഥാനാർഥി പട്ടികയിൽ തർക്കമില്ലെന്നും അറിയിച്ചു.
‘സ്ഥാനാർഥികളെ പ്രഖ്യാപിക്കുക കേന്ദ്രനേതൃത്വമാണ്. എല്ലാ സാമുദായിക വിഭാഗങ്ങൾക്കും പട്ടികയിൽ പരിഗണന നൽകിയിട്ടുണ്ട്. ക്രിസ്ത്യൻ സഭകളുടെ താൽപര്യവും പരിഗണിച്ചിട്ടുണ്ട്; എംടി രമേശ് പറഞ്ഞു.
Read Also: മൽസരിക്കുന്നെങ്കിൽ പുതുപ്പള്ളിയിൽ നിന്ന്; നേമത്തേക്ക് ഇല്ലെന്ന് ആവർത്തിച്ച് ഉമ്മൻ ചാണ്ടി