ചെന്നൈ: പ്രിയ ഗായകൻ എസ് പി ബാലസുബ്രഹ്മണ്യത്തിന്റെ സംസ്‌കാര ചടങ്ങുകൾ ഔദ്യോഗിക ബഹുമതികളോടെ പൂർത്തിയായി. ചെന്നൈ റെഡ് ഹിൽസിലെ ഫാം ഹൗസിലായിരുന്നു ചടങ്ങുകൾ. അദ്ദേഹത്തിന്റെ മകനായ എസ് ബി ചരണാണ് അന്ത്യകർമ്മങ്ങൾ നടത്തിയത്. കോവിഡ് സാഹചര്യത്തിലും അദ്ദേഹത്തിന് ആദരാഞ്ജലികൾ അർപ്പിക്കാൻ സിനിമാ മേഖലയിലെ സഹപ്രവർത്തകരും നൂറ് കണക്കിന് ആരാധകരും റെഡ് ഹിൽസിൽ എത്തി.
Related News: ‘പാടും നിലാ’ ഇനി ഓർമ്മ; എസ്.പി.ബി അന്തരിച്ചു
അനശ്വര സംഗീതത്തിന്റെ ഒരു യുഗം കൺമുന്നിൽ നിന്ന് മാഞ്ഞ് പോയിരിക്കുകയാണ്. ലോകമെമ്പാടും അലയടിച്ച ആ മാസ്‌മരിക ശബ്‌ദത്തിലൂടെ, വീണ്ടും കേൾക്കാൻ പ്രേരിപ്പിക്കുന്ന ഒരുപിടി ഗാനങ്ങളിലൂടെ അദ്ദേഹം ജനഹൃദയങ്ങളിൽ ഇനിയും ജീവിക്കും. സംഗീത ലോകത്തെ അപൂർവ കലാകാരന് പ്രണാമം.
