മഞ്ചേരി: ഇരുപത്തി എട്ടാമത് എസ്എസ്എഫ് മലപ്പുറം ഈസ്റ്റ് ജില്ലാ സാഹിത്യോൽസവ് സെപ്തംബർ 11നും 12നും നടക്കും. ഫാമിലി, ബ്ളോക്, യുണിറ്റ്, സെക്ടർ, കാമ്പസ്, ഡിവിഷൻ സാവിത്യോൽസവുകൾ നടത്തിയ ശേഷമാണ് ജില്ലാ സാഹിത്യോൽസവ് നടക്കുന്നത്.
എഴുത്ത്, വര, പാട്ട്, പ്രസംഗം, ഡിജിറ്റൽ ഇനങ്ങൾ തുടങ്ങി നൂറോളം മൽസര ഇനങ്ങളിൽ ആയിരത്തോളം പ്രതിഭകൾ ഓൺലൈനായി പങ്കെടുക്കും. വണ്ടൂരിൽ സജ്ജമാക്കുന്ന ജില്ലാ കേന്ദ്രം വഴിയും വിവിധ ഡിവിഷനുകളിൽ ഒരുക്കുന്ന സ്റ്റുഡിയോ സംവിധാനങ്ങൾ മുഖേനയും സാഹിത്യോൽസവിൽ പ്രതിഭകൾ മാറ്റുരക്കും.
28 വർഷത്തെ സാഹിത്യോൽസവ് ചരിത്ര പഥങ്ങൾ ഓർത്തെടുത്ത് ‘കല കടലായ കഥ‘ എന്ന ശീർഷകത്തിൽ നടന്ന ഓൺലൈൻ പ്രോഗ്രാമിൽ കേരള മുസ്ലിം ജമാഅത്ത് സംസ്ഥാന കൗൺസിൽ അംഗം ജി അബൂബക്കർ ജില്ലാ സാഹിത്യോൽസവ് പ്രഖ്യാപനം നടത്തി. ചർച്ചയിൽ എം അബദുൽ മജീദ് അരിയല്ലൂർ, മുഹമ്മദലി കിനാലൂർ, യൂസുഫലി സഖാഫി സംബന്ധിച്ചു.
Most Read: വാളയാർ അമ്മയ്ക്കെതിരെ പോസ്റ്റ്; ഹരീഷ് വാസുദേവനെതിരെ കേസെടുക്കാൻ കോടതി നിർദ്ദേശം