വയനാട്: തെരുവ് നായകളുടെ ശല്യം രൂക്ഷമായി പേര്യ ടൗണും, പരിസര പ്രദേശങ്ങളും. തെരുവ് നായകൾ വർധിച്ചതോടെ പൊതു വഴിയിലൂടെ ആശങ്കയോടെയാണ് ആളുകൾ യാത്ര ചെയ്യുന്നത്. രാവിലെയും രാത്രിയിലുമാണ് നായകളുടെ ശല്യത്തെ തുടർന്ന് ആളുകൾ ഏറെ ബുദ്ധിമുട്ട് നേരിടുന്നത്.
ഇരുചക്ര വാഹനങ്ങളിൽ യാത്ര ചെയ്യുന്ന ആളുകൾക്ക് പിന്നാലെ നായകൾ ആക്രമിക്കാൻ ഓടുന്നതും, വാഹനങ്ങൾ അപകടത്തിൽ പെടുന്നതും ഇപ്പോൾ വർധിച്ചു വരികയാണ്. കൂടാതെ വിദ്യാർഥികൾ പേടിയോടെയാണ് സ്‌കൂളുകളിലേക്കും മറ്റും യാത്ര ചെയ്യുന്നത്.
തലപ്പുഴ ടൗൺ, ചുങ്കം, വയനാട് ഗവൺമെന്റ് എഞ്ചിനിയറിങ് കോളേജ് പരിസരം എന്നിവിടങ്ങളിലും തെരുവുനായകളുടെ ശല്യം മുമ്പെങ്ങുമില്ലാത്തവിധം കൂടിയിട്ടുണ്ട്. വിദ്യാർഥികളും ജീവനക്കാരും ഭീതിയോടെയാണ് കോളേജ് കാമ്പസിലേക്ക് നടന്നുപോകുന്നത്. കൂടാതെ ദിവസങ്ങൾക്ക് മുൻപ് ഇവിടെ വിദ്യാർഥിയെ തെരുവ് നായകൾ ആക്രമിക്കുകയും ചെയ്‌തിരുന്നു.
Read also: വീട് വാഗ്‌ദാനം ചെയ്‌ത്‌ ലക്ഷങ്ങളുടെ തട്ടിപ്പ്; പരാതിയുമായി വയനാട്ടിലെ 35 കുടുംബങ്ങള്‍
