എസ്വൈഎസ് സ്‌റ്റേറ്റ് പ്രസിഡണ്ട് സയ്യിദ് ത്വാഹാ സഖാഫി, സ്‌റ്റേറ്റ് ജനറല്‍ സെക്രട്ടറി ഡോ. എപി അബ്‌ദുൽ ഹകീം അസ്ഹരി, ഫിനാന്‍സ് സെക്രട്ടറി മുഹമ്മദ് പറവൂര്‍
കോഴിക്കോട്: എസ്വൈഎസ് സ്‌റ്റേറ്റ് യൂത്ത് കൗൺസിലിൽ പുതിയ സംസ്‌ഥാന ഭാരവാഹികളെ തിരഞ്ഞെടുത്തു. സയ്യിദ് ത്വാഹാ സഖാഫി പ്രസിഡണ്ടായും ഡോ. എപി അബ്‌ദുൽ ഹകീം അസ്ഹരി ജനറല്‍ സെക്രട്ടറിയായും മുഹമ്മദ് പറവൂര്‍ ഫിനാന്‍സ് സെക്രട്ടറിയായുമാണ് പുതിയ സംസ്‌ഥാന നേതൃത്വം.
സയ്യിദ് അലി ബാഫഖി തങ്ങളുടെ പ്രാർഥനയോടെ ആരംഭിച്ച കൗണ്‍സില്‍ സയ്യിദ് ത്വാഹാ തങ്ങള്‍ സഖാഫിയുടെ അധ്യക്ഷതയിൽ സയ്യിദ് ഇബ്‌റാഹീം ഖലീല്‍ അല്‍ ബുഖാരിയാണ് ഉൽഘാടനം നിർവഹിച്ചത്. പേരോട് അബ്‌ദുറഹ്‌മാൻ സഖാഫിയാണ് പുനഃസംഘടനാ പ്രവര്‍ത്തനങ്ങള്‍ക്ക് നേതൃത്വം നല്‍കിയത്.
കഴിഞ്ഞ രണ്ട് വര്‍ഷക്കാലത്തെ പ്രവര്‍ത്തനങ്ങളെ അടിസ്‌ഥാനമാക്കി തയ്യാറാക്കിയ വിവിധ റിപ്പോര്‍ട്ടുകളിലുള്ള ചര്‍ച്ചകള്‍ കൗൺസിലിൽ നടന്നു. 2021-23 സംഘടനാ വര്‍ഷത്തിലേക്ക് ആവശ്യമായ നയ-സമീപനരേഖകളുടെ കരട് കൗണ്‍സില്‍ ചർച്ചചെയ്‌ത്‌ അംഗീകരിച്ചു. സംസ്‌ഥാന നേതൃത്വത്തിലേക്ക് പുതിയ സംഘടനാ ഭാരവാഹികളെയും പ്രവര്‍ത്തക സമിതിയംഗങ്ങളെയും തിരഞ്ഞെടുക്കുന്ന പ്രവർത്തികളും കൗൺസിലിൽ നടന്നു.
സയ്യിദ് മുഹമ്മദ് തുറാബ്, ഡോ. മുഹമ്മദ് കുഞ്ഞു സഖാഫി, എന്‍എം സ്വാദിഖ് സഖാഫി പെരിന്താറ്റിരി,ദേവര്‍ശോല അബ്‌ദുസലാം മുസ്‌ലിയാര്‍ എന്നിവരെ വൈസ് പ്രസിഡണ്ടുമാരായി തിരഞ്ഞെടുത്തു. അബൂബക്കര്‍ മാസ്‌റ്റർ പടിക്കല്‍, സ്വാദിഖ് വെളിമുക്ക്, റഹ്‌മത്തുല്ല സഖാഫി എളമരം, എംഎം ഇബ്‌റാഹീം, അബ്‌ദുൽജബ്ബാര്‍ സഖാഫി പേഴക്കാപ്പിള്ളി, ആര്‍പി ഹുസൈന്‍, ഇകെ മുഹമ്മദ്‌കോയ സഖാഫി, ബശീര്‍ പറവന്നൂര്‍, ബശീര്‍ പുളിക്കൂര്‍, സ്വിദ്ദീഖ് സഖാഫി നേമം എന്നിവർ സെക്രട്ടറിമാരായും അവരോധിതരായി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
