കണ്ണൂർ: കണ്ണൂർ കോർപ്പറേഷന്റെ ‘സുന്ദര നഗരം, ശുചിത്വ നഗരം’ പദ്ധതിക്ക് തുടക്കമായി. കോർപ്പറേഷന്റെ പരിധിയിൽ റസിഡൻറ്‌സ് അസോസിയേഷനുകൾ, സന്നദ്ധ സംഘടനകൾ, വ്യാപാരി വ്യവസായി സംഘടനകൾ, ശുചീകരണ തൊഴിലാളികൾ എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്.
ചാല-നടാൽ ബൈപ്പാസ് കവല ശുചീകരിച്ച് മേയർ അഡ്വ. ടിഒ മോഹനൻ ഉൽഘാടനം ചെയ്‌തു. ഡെപ്യൂട്ടി മേയർ കെ ഷബീന അധ്യക്ഷത വഹിച്ചു. വിവിധ സ്‌റ്റാൻഡിങ്‌ കമ്മിറ്റി ചെയർമാൻമാരായ അഡ്വ. മാർട്ടിൻ ജോർജ്, ഷമീമ, അഡ്വ. പി.ഇന്ദിര, സിയാദ് തങ്ങൾ, ഷാഹിന മൊയ്‌തീൻ, കൗൺസിലർമാരായ പിവി കൃഷ്‌ണകുമാർ, വി ബാലകൃഷ്‌ണൻ, കണ്ണൂർ ബ്ളോക്ക് കോൺഗ്രസ് പ്രസിഡണ്ട് കെവി രവീന്ദ്രൻ തുടങ്ങിയവർ പങ്കെടുത്തു. വരും ദിവസങ്ങളിലും കോർപ്പറേഷന്റെ വിവിധ ഭാഗങ്ങളിൽ ശുചീകരണ പരിപാടി നടക്കും.
Read Also: കസ്‌റ്റഡി വാഹനങ്ങള്‍ കൂടുന്നു; പാര്‍ക്ക് ചെയ്യാന്‍ സ്‌ഥലമില്ലാതെ പഴയങ്ങാടി പോലീസ്
