ഇടുക്കി: കല്ലാർ ഡാമിൽ കാണാതായ കുരുവിക്കാട്ടിൽ ബിനീഷിന്റെ മകൾ പാർവതിയുടെ മൃതദേഹവും കണ്ടെത്തി. ബിനീഷിന്റെ മൃതദേഹത്തിന്റെ സമീപത്തു നിന്നാണ് മകളുടെ മൃതദേഹവും കണ്ടെത്തിയത്. തിരച്ചിലിനിടെ കല്ലാർകുട്ടി ഡാമിന്റെ മധ്യഭാഗത്തു നിന്നാണ് ഇരുവരുടെയും മൃതദേഹം ലഭിച്ചത്.
ഇന്നലെയാണ് ബിനീഷിനെയും മകൾ പർവതിയെയും കാണാതായത്. ഇരുവരും സഞ്ചരിച്ച ബൈക്ക് ഇന്ന് രാവിലെ അണക്കെട്ടിന് സമീപത്ത് നിന്ന് കണ്ടെത്തിയിരുന്നു. ഉടൻ തന്നെ പോലീസിന്റെയും അഗ്‌നിരക്ഷാ സേനയുടെയും നേതൃത്വത്തിൽ ഡാമിൽ തിരച്ചിൽ ആരംഭിക്കുകയായിരുന്നു. ഇരുവരുടെയും ആത്‍മഹത്യ ആണെന്നാണ് പോലീസിന്റെ പ്രാഥമിക നിഗമനം.
Most Read: കല്ലുകൾ പിഴുതെറിയും, വേണ്ടി വന്നാൽ ക്ളിഫ് ഹൗസിൽ കുറ്റി സ്‌ഥാപിക്കും; ഷാഫി പറമ്പിൽ എംഎൽഎ
