ഇതിഹാസ ക്രിക്കറ്റ് താരം മുത്തയ്യ മുരളീധരനായി വിജയ് സേതുപതി വേഷമിടുന്ന ‘800‘ന്റെ ഫസ്‌റ്റ് ലുക്കും മോഷന്‍ പോസ്‌റ്ററും പുറത്തുവിട്ട് അണിയറപ്രവര്‍ത്തകര്‍. വിജയ് സേതുപതിയുടെ മുരളീധരനായുള്ള രൂപമാറ്റം ഏവരെയും അല്‍ഭുതപെടുത്തും.
മോഷന്‍ പോസ്‌റ്ററും സമൂഹ മാദ്ധ്യമങ്ങളില്‍ ഇതിനോടകം തന്നെ വൈറലായി കഴിഞ്ഞു. മുരളീധരന്റെ ബാല്യകാലവും പിന്നീടുള്ള സംഭവ വികാസങ്ങളുമൊക്കെ അടയാളപ്പെടുത്തുണ്ട് മോഷന്‍ പോസ്‌റ്റര്‍.
എംഎസ് ശ്രീപതിയാണ് ചിത്രത്തിന്റെ സംവിധാനം നിര്‍വഹിക്കുന്നത്. മൂവി ട്രെയിന്‍ മോഷന്‍ പിക്‌ചേഴ്‌സ്, ഡാര്‍ മോഷന്‍ പിക്‌ചേഴ്‌സ് എന്നിവ ഒരുമിച്ചാണ് ചിത്രം നിര്‍മ്മിക്കുന്നത്.
ചിത്രത്തിന് വേണ്ടി മുരളീധരന്‍ തന്നെയാണ് വിജയ് സേതുപതിക്ക് ക്രിക്കറ്റ് പരിശീലനം നല്‍കുന്നത്. ടെസ്‌റ്റ് ക്രിക്കറ്റില്‍ 800 വിക്കറ്റ് നേടിയതിന്റെ ഓര്‍മ്മക്കായാണ് ചിത്രത്തിന് ഈ പേര് നല്‍കിയത്.
Read Also: സാഹചര്യം അനുകൂലമല്ല; സംസ്‌ഥാനത്ത് തിയേറ്ററുകൾ ഉടൻ തുറക്കില്ല
