പാലക്കാട്: പൊതുയിടങ്ങളിലും റെയിൽവേ സ്‌റ്റേഷനുകളിലും നിർത്തിയിടുന്ന വാഹനങ്ങൾ മോഷ്‌ടിക്കുന്ന സംസ്‌ഥാനാന്തര കവർച്ചാ സംഘത്തിലെ മുഖ്യപ്രതിയെ വാളയാറിൽ പിടികൂടി. പാലക്കാട് യാക്കര സ്വദേശി അഫ്‌സലാണ് (22) അറസ്‌റ്റിലായത്‌. കഴിഞ്ഞ മാസം മുപ്പതിന് പാലക്കാട് റെയിൽവേ സ്‌റ്റേഷനിൽ നിന്ന് മോഷ്‌ടിച്ച ബൈക്കുമായാണ് ഇയാൾ പിടിയിലായത്.
ബൈക്ക് കോയമ്പത്തൂരിലേക്ക് വിൽപനക്കായി കൊണ്ടുപോയ അഫ്‌സൽ പരിശോധനക്ക് ഉണ്ടായിരുന്ന പോലീസ് ഉദ്യോഗസ്‌ഥരെ വെട്ടിച്ച് കടന്നുപോയെങ്കിലും വാളയാർ എസ്‌ഐ ആർ രാജേഷിന്റെ നേതൃത്വത്തിൽ പിന്തുടർന്ന് പിടികൂടുകയായിരുന്നു. എഎസ്ഐ പി വിനോദ്, സിപിഒമാരായ ആർ രതീഷ്, എം സുജിത്, വി ശ്രീജിത്ത് എന്നിവരടങ്ങിയ സംഘമാണ് പരിശോധന നടത്തിയത്.
Most Read: വർക്കലയിൽ ഓട്ടോ യാത്രക്കാരെ റെയിൽപാളത്തിന് നടുവിൽ പൂട്ടിയിട്ടു; പരാതി
