നാദാപുരം: പുഴകളും തോടുകളും വരണ്ടതോടെ മലയോര മേഖല കടുത്ത വരൾച്ചയിലേക്ക്. ജലവിതരണ പദ്ധതികൾ പലതുമുണ്ടെങ്കിലും മിക്കയിടങ്ങളിലും ആവശ്യത്തിന് വെള്ളം ലഭിക്കാത്ത അവസ്‌ഥയാണുള്ളത്. ഗ്രാമീണ മേഖലയിലും ടൗണുകളിലും പൈപ്പുകൾ പൊട്ടി വെള്ളം പാഴാകുന്നതും പലയിടങ്ങളിലും ജല ലഭ്യത കുറയുന്നതിന് കാരണമാകുന്നുണ്ട്.
മയ്യഴി പുഴയുടെ ഉൽഭവ കേന്ദ്രമായ വിലങ്ങാട് പുഴയുടെ പല ഭാഗങ്ങളും വരണ്ടു. പുഴയിലെങ്ങും ഉരുളൻ കല്ലുകളാണ്. വാളൂക്ക്, വിലങ്ങാട് ടൗൺ, ഉരുട്ടി, പാനോം ഭാഗങ്ങളിലാണ് വരൾച്ച കാര്യമായി ബാധിച്ചത്. വിലങ്ങാട് ജല വൈദ്യുത പദ്ധതി പ്രദേശത്തും വെള്ളമില്ല. ഇവിടെ വൈദ്യുതി ഉൽപാദനം നിർത്തിയിട്ട് ആഴ്‌ചകളായി. ജൂണിൽ മഴ ലഭിച്ചതിന് ശേഷം മാത്രമേ ഉൽപാദനം തുടങ്ങാൻ സാധിക്കുകയുള്ളൂ.
Also Read: സ്വർണക്കടത്ത്; പ്രതികളുടെ രഹസ്യമൊഴി ഇഡിക്ക് നൽകില്ല
