തിരുവനന്തപുരം: ഈ വർഷത്തെ എസ്എസ്എൽസി പരീക്ഷകൾ ഇന്ന് സമാപിക്കും. മാർച്ച് 31ന് ആണ് സംസ്ഥാനത്ത് എസ്എസ്എൽസി പരീക്ഷകൾ ആരംഭിച്ചത്. ഐടി പ്രാക്ടിക്കൽ പരീക്ഷ മെയ് 3 മുതൽ 10 വരെ ആയിട്ടാകും നടക്കുക.
4,27,407 വിദ്യാർഥികളാണ് പരീക്ഷ എഴുതുന്നത്. 4,26,999 പേർ റെഗുലറായും 408 പേർ പ്രൈവറ്റായും പരീക്ഷ എഴുതുന്നുണ്ട്. 2,962 കേന്ദ്രങ്ങളിലായാണ് പരീക്ഷ നടക്കുന്നത്. പരീക്ഷ പൂർത്തിയാകുന്ന മുറക്ക് മൂല്യനിർണയം കൃത്യമായി നടത്താനുള്ള ക്രമീകരണവും വിദ്യാഭ്യാസ വകുപ്പ് പൂർത്തിയാക്കിയിട്ടുണ്ട്.
അതേസമയം, സംസ്ഥാനത്തെ പൊതുവിദ്യാലയങ്ങൾക്കുള്ള പാഠപുസ്തകങ്ങളുടെ സംസ്ഥാന വിതരണം കരമന ഗവ.ഹയർസെക്കണ്ടറി സ്കൂളിൽ ധനമന്ത്രി കെഎൻ ബാലഗോപാൽ ഉൽഘാടനം ചെയ്തു. പാഠപുസ്തക അച്ചടിക്ക് കൂടുതൽ അത്യാധുനിക അച്ചടി സംവിധാനം ഏർപ്പെടുത്താൻ തുക അനുവദിക്കുമെന്ന് മന്ത്രി പറഞ്ഞു. കുടുംബശ്രീ മുഖേന പാഠപുസ്തക വിതരണത്തിന് അധിക തുക അനുവദിച്ചിട്ടുണ്ടെന്നും മന്ത്രി പറഞ്ഞു.
Most Read: സാമ്പത്തിക പ്രതിസന്ധി; ട്രഷറികളിൽ കടുത്ത നിയന്ത്രണം ഏർപ്പെടുത്തി സർക്കാർ