കുറ്റിപ്പുറം: കഞ്ചാവ് വിൽപന നടത്തുന്ന യുവാവിനെ നാട്ടുകാരുടെ സഹായത്തോടെ പിടികൂടി. കുറ്റിപ്പുറം പേരശ്ശനൂർ സ്വദേശി വിജേഷിനെയാണ് (26) കുറ്റിപ്പുറം പോലീസ് അറസ്‌റ്റ് ചെയ്‌തത്‌. ഇയാൾ പേരശ്ശനൂർ മേഖലയിൽ കുട്ടികൾ ഉൾപ്പടെയുള്ളവർക്ക് വ്യാപകമായി കഞ്ചാവ് വിൽപന നടത്തുന്ന ആളാണെന്ന് പോലീസ് പറഞ്ഞു.
പേരശ്ശനൂർ മേഖലയിൽ കഞ്ചാവ് വിൽപന വ്യാപകമാണെന്ന പരാതിയെ തുടർന്നാണ് പോലീസ് നാട്ടുകാരുടെ സഹായത്തോടെ പ്രതിയെ പിടികൂടിയത്. അതേസമയം, കുറ്റിപ്പുറം പോലീസിന്റെ നേതൃത്വത്തിൽ ലഹരിക്കും സ്‌ത്രീകൾക്കെതിരെയുള്ള ആക്രമണത്തിനും എതിരായി വാർഡുതല ജാഗ്രതാ സമിതികൾ രൂപീകരിച്ചിരുന്നു. ഇതുവഴി ലഭിച്ച വിവരത്തിന്റെ അടിസ്‌ഥാനത്തിലാണ്‌ പ്രതിയെ പിടികൂടാൻ സാധിച്ചതെന്ന് കുറ്റിപ്പുറം എസ്എച്ച്ഒ ശശീന്ദ്രൻ മേലെയിൽ പറഞ്ഞു.
Read Also: ഓടകളുടെ ശുചീകരണം; പൊതുമരാമത്ത് വകുപ്പ് അലംഭാവം കാണിക്കുന്നതായി ആരോപണം
