കോട്ടയം: കഴിഞ്ഞ ദിവസം കോവിഡ് സ്ഥിരീകരിച്ച തിരുവഞ്ചൂർ രാധാകൃഷ്ണൻ എംഎൽഎയുടെ ആരോഗ്യനില മെച്ചപ്പെടുന്നു. രോഗലക്ഷണങ്ങളോ കാര്യമായ പ്രശ്നങ്ങളോ തനിക്കില്ലെന്ന് എംഎൽഎ മലബാർ ന്യൂസിനോട് പറഞ്ഞു. കോട്ടയം ഭാരത് ഹോസ്പിറ്റലിൽ ചികിൽസയിൽ കഴിയുകയാണ് അദ്ദേഹം. ആരോഗ്യനില മെച്ചപ്പെടുന്നുണ്ടെന്നും ഒരാഴ്ചയോളം ഹോസ്പിറ്റലിൽ തുടരേണ്ടി വരുമെന്നും അദ്ദേഹം പറഞ്ഞു.
Also Read: സിഎം രവീന്ദ്രനെ തിങ്കളാഴ്ച വീണ്ടും ചോദ്യം ചെയ്യുമെന്ന് ഇഡി
തനിക്ക് കോവിഡ് ബാധിച്ച വിവരം അദ്ദേഹം ഫേസ്ബുക്കിലൂടെ കഴിഞ്ഞ ദിവസമാണ് അറിയിച്ചത്. താനുമായി അടുത്ത് ഇടപഴകിയവർ ശ്രദ്ധിക്കണമെന്നും അദ്ദേഹം ഫേസ്ബുക്കിൽ കുറിച്ചിരുന്നു.
പ്രിയമുള്ളവരെ,
ഇന്ന് കോവിഡ് പരിശോധന നടത്തിയപ്പോൾ ഫലം പോസിറ്റീവ് ആയിരിക്കുകയാണ്.
കഴിഞ്ഞ ദിവസങ്ങളിൽ അടുത്തിടപെട്ട സഹപ്രവർത്തകരും സുഹൃത്തുക്കളും ശ്രദ്ധിക്കണം എന്ന് അഭ്യർത്ഥിക്കുന്നു.Posted by Thiruvanchoor Radhakrishnan on Friday, 18 December 2020