തിരുവനന്തപുരം : സംസ്ഥാനത്ത് ഇന്ന് കോവിഡ് ബാധിച്ചു മരിച്ചവരുടെ എണ്ണം മൂന്ന് ആയി. മരിച്ചവരില് രണ്ട് പേര് പത്തനംതിട്ട സ്വദേശികളും ഒരാള് കാസര്കോട് സ്വദേശിയുമാണ്. പത്തനംതിട്ട ജില്ലയില് അടൂര് സ്വദേശിയായ രഞ്ജിത് ലാല്(29), പന്തളം സ്വദേശിയായ റജീന(44) എന്നിവരാണ് മരിച്ചത്.
പ്രമേഹരോഗത്തെ തുടര്ന്ന് ചികിത്സയിലിരിക്കുമ്പോഴാണ് രഞ്ജിത്തിന് കോവിഡ് സ്ഥിരീകരിച്ചത്. മരിച്ച റജീന വൃക്ക രോഗത്തെ തുടര്ന്ന് കോട്ടയം മെഡിക്കല് കോളേജില് ചികിത്സയിലായിരുന്നു. ഇവര് സമ്പര്ക്കത്തിലൂടെയാണ് കോവിഡ് ബാധിതരായത്. കാസര്കോട് ജില്ലയില് നായന്മാര് മൂല സ്വദേശിയായ മറിയുമ്മ(68) ആണ് മരിച്ചത്. ഇവര് കോവിഡ് സ്ഥിരീകരിച്ചതിനെ തുടര്ന്ന് ചികിത്സയിലായിരുന്നു.
ഇതിനിടയില് ക്വാറന്റൈനില് കഴിയുകയായിരുന്ന പത്തനംതിട്ട സ്വദേശിയായ യുവാവ് മദ്യം കിട്ടാത്തതിനെ തുടര്ന്ന് ക്വാറന്റൈന് കേന്ദ്രത്തില് തൂങ്ങി മരിച്ചു. റാന്നി പെരുമ്പുഴയിലെ കോവിഡ് സെന്ററിലാണ് ഇയാള് തൂങ്ങി മരിച്ചത്. മൃതദേഹം പോസ്റ്റ്മോര്ട്ടത്തിനായി പത്തനംതിട്ട ജനറല് ആശുപത്രിയിലേക്ക് മാറ്റി.