ന്യൂഡെൽഹി: ജമ്മു കശ്‌മീരിലെ ഷോപിയാൻ ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ മൂന്ന് തീവ്രവാദികൾ കൊല്ലപ്പെട്ടു. തീവ്രവാദികളെ കുറിച്ചുള്ള വിവരങ്ങൾ ലഭിച്ചതിനെ തുടർന്ന് ഷോപിയാനിലെ മണിഹാൽ പ്രദേശം സുരക്ഷാ സേന വളയുകയായിരുന്നു. ഇവിടെ നടത്തിയ തിരച്ചിലിനിടെയാണ് ഏറ്റുമുട്ടൽ ഉണ്ടായതെന്ന് പോലീസ് ഉദ്യോഗസ്‌ഥർ പറഞ്ഞു.
#ShopianEncounterUpdate: 01 more unidentified #terrorist killed (Total 03). #Operation going on. Further details shall follow. @JmuKmrPolice https://t.co/XwBpomMIiM
— Kashmir Zone Police (@KashmirPolice) March 22, 2021
സുരക്ഷാ സേനക്ക് നേരെ തീവ്രവാദികൾ വെടിയുതിർത്തതാണ് ഏറ്റുമുട്ടലിൽ കലാശിച്ചത്. കൊല്ലപ്പെട്ട തീവ്രവാദികൾ ഏത് ഗ്രൂപ്പിലുള്ളവരാണെന്ന് ഇതുവരെ തിരിച്ചറിഞ്ഞിട്ടില്ല. കൂടുതൽ വിവരങ്ങൾ പുറത്ത് വിട്ടിട്ടില്ല.
Also Read: കർശന ജാഗ്രത; ആൻഡമാനിൽ സഞ്ചാരികൾ കോവിഡ് നെഗറ്റീവ് സർട്ടിഫിക്കറ്റ് ഹാജരാക്കണം
