തൃശൂര്: മുൻ വർഷങ്ങളിലേത് പോലെ എല്ലാ ചടങ്ങുകളോടെയും തൃശൂര് പൂരം നടത്താൻ തീരുമാനം. അതേസമയം പൂരത്തിലെ ജനപങ്കാളിത്തത്തിന് നിയന്ത്രണം ഉണ്ടാകില്ല. പൂരം വിളംബരം അറിയിച്ചുളള തെക്കേവാതില് തള്ളിതുറക്കുന്നത് മുതലുളള 36 മണിക്കൂര് നീളുന്ന ചടങ്ങുകളില് ഒന്നുപോലും വെട്ടികുറക്കില്ല. ജില്ലാ കളക്ടറുടെ അധ്യക്ഷതയില് ചേര്ന്ന യോഗത്തിലാണ് തീരുമാനം.
എട്ട് ക്ഷേത്രങ്ങളില് നിന്നുളള ഘടകപൂരങ്ങളും നടത്തും. പതിനഞ്ച് വീതം ആനകളുണ്ടാകും. വെടിക്കെട്ടും പൂരം എക്സിബിഷനും ഉണ്ടാകും. എക്സിബിഷന് പ്രതിദിനം 200 പേര്ക്ക് മാത്രം അനുമതി എന്ന നിയന്ത്രണവും നീക്കിയിട്ടുണ്ട്.
എക്സിബിഷന് നിയന്ത്രണം ഏർപ്പെടുത്തിയാൽ പൂരവും എക്സിബിഷനും ഉപേക്ഷിക്കുമെന്ന നിലപാടിലായിരുന്നു സംഘാടക സമിതി. തുടര്ന്ന് മന്ത്രി വിഎസ് സുനില്കുമാര് അടിയന്തിരമായി ഇടപെടുകയും ജില്ലാഭരണകൂടം അനുകൂല തീരുമാനം എടുക്കുകയുമായിരുന്നു. അടുത്ത മാസം 23നാണ് പൂരം. മുൻ വർഷങ്ങളിലേത് പോലെ തന്നെ പൂരം നടത്തുമെന്ന് മന്ത്രി വിഎസ് സുനിൽകുമാർ നേരത്തേ വ്യക്തമാക്കിയിരുന്നു.
Read Also: പൗരത്വ വിഷയത്തില് ബിജെപി-യുഡിഎഫ് അവിശുദ്ധ കൂട്ടുകെട്ട്; മുഖ്യമന്ത്രി