വയനാട്: ദിവസങ്ങളായി പ്രദേശവാസികളെ ഭീതിയുടെ മുള്മുനയില് നിര്ത്തിയ കടുവയെ കര്ണാടക ബന്ദിപ്പൂര് വനത്തിലേക്ക് തുരത്തി. കൊളവള്ളിയില് ജനവാസകേന്ദ്രത്തില് ഇറങ്ങിയ കടുവയെയാണ് ഓടിച്ച് കന്നാരം പുഴ കടത്തിയത്. കര്ണാടക അതിര്ത്തിയിലെ പാറ കവലയില് വെച്ച് വൈകിട്ടോടെ കടുവയെ മയക്കു വെടിവെച്ചെങ്കിലും മയങ്ങാതായതോടെ ഓടിച്ച് വനത്തിലേക്ക് കടത്തുകയായിരുന്നു.
കടുവയെ പിടികൂടുന്നതിനിടെ കടുവയുടെ അക്രമത്തില് പരുക്കേറ്റ പുല്പ്പള്ളി ഫോറസ്റ്റ് ഓഫിസിലെ വാച്ചര് വിജേഷിനെ സ്വകാര്യ മെഡിക്കല് കോളജിലേക്ക് മാറ്റി. കൈയില് ഗുരുതര പരുക്കേറ്റതിനാല് വിജേഷിന് ശസ്ത്രക്രിയക്ക് വിധേയനാകേണ്ടതുണ്ട്.
ഇന്ന് ഉച്ചയോടെയാണ് വനപാലകര് ആകാശനിരീക്ഷണം നടത്തി കടുവയെ കണ്ടെത്തിയത്. തുടര്ന്ന് മയക്കുവെടി വെക്കാനുള്ള സാഹചര്യമൊരുക്കി. മയക്കുവെടിവെച്ചങ്കിലും കടുവ മയങ്ങിയില്ല. വീണ്ടും മയക്കുവെടി വെക്കാന് ശ്രമിച്ചെങ്കിലും അത് പാളി. പിന്നീട് കടുവ കര്ണാടക ബന്ദിപ്പൂര് കടുവാ സങ്കേതം ലക്ഷ്യമാക്കി നീങ്ങിയതോടെ വനപാലകര് ഓടിച്ച് കന്നാരം പുഴ കടത്തുകയായിരുന്നു.
Malabar News: നടുറോഡില് കത്തി ചൂണ്ടി കാര് കവര്ന്ന സംഭവം; പ്രതി പിടിയില്