തായ്‌പേയ്: കിഴക്കൻ തായ്‌വാനിലെ തുരങ്കത്തിനുള്ളിൽ തീവണ്ടി പാളം തെറ്റി 36 പേരോളം മരിച്ചതായി റിപ്പോർട്. നിരവധി പേർക്ക് പരിക്കേറ്റിട്ടുമുണ്ട്. തുരങ്കത്തിനുള്ളിൽ ഇപ്പോഴും കുടുങ്ങിക്കിടക്കുന്ന യാത്രികരെ പുറത്തെടുക്കാനായുള്ള രക്ഷാപ്രവർത്തനം തുടരുകയാണ്. പരിക്കേറ്റവർക്ക് വൈദ്യസഹായം എത്തിക്കാനായി ആശുപത്രികൾക്ക് നിർദേശം നൽകിയതായി പ്രസിഡണ്ട് സായ് ഇങ് വെന്നിന്റെ ഓഫീസ് അറിയിച്ചു.
തായ്‌വാൻ സമയം രാവിലെ 9.30ഓടെ കിഴക്കൻ റെയിൽവേ ലൈനിലായിരുന്നു അപകടം. 61 യാത്രക്കാരെ രക്ഷാപ്രവർത്തകർ ആശുപത്രിയിൽ എത്തിച്ചിട്ടുണ്ട്. 72 യാത്രക്കാരോളം തുരങ്കത്തിൽ കുടുങ്ങി കിടക്കുന്നതായാണ് വിവരം. തായ്‌പേയിൽ നിന്ന് തായ്‌തുങ് നഗരത്തിലേക്ക് പോകുകയായിരുന്ന ട്രെയിനിൽ 350ഓളം യാത്രക്കാർ ഉണ്ടായിരുന്നതായാണ് വിവരം.
Read Also: യുഎസിലെ വിസാ നിയന്ത്രണങ്ങൾ നിർത്തലാക്കി ബൈഡൻ
