അബുദാബി: പൊതുമേഖലയില് തൊഴിലെടുക്കുന്ന എല്ലാ ജീവനക്കാരും 14 ദിവസം പിന്നിടുമ്പോള് തുടര്ച്ചയായ കോവിഡ് പിസിആര് പരിശോധന നടത്തണമെന്ന് പുതിയ സര്ക്കുലര്. ജനുവരി 17 മുതല് പുതിയ നിര്ദേശം നിലവില് വരും. യുഎഇയിലെ ഫെഡറല് വകുപ്പുകളിലും മന്ത്രാലയങ്ങളിലും ജോലി ചെയ്യുന്ന ജീവനക്കാര്ക്കും നിര്ദേശം ബാധകമായിരിക്കും.
പരിശോധനക്കുള്ള ചെലവുകള് ജീവനക്കാര് സ്വന്തമായി തന്നെ വഹിക്കണം. ഫെഡറല് ഗവണ്മെന്റ് തലത്തില് കോവിഡിനെ ചെറുക്കാനും പ്രത്യാഘാതങ്ങള് കുറക്കാനും ജീവനക്കാരുടെ ആരോഗ്യം സംരക്ഷിക്കാനും ലക്ഷ്യമിട്ടാണ് ഫെഡറല് അതോറിറ്റി ഫോര് ഗവണ്മെന്റ് ഹ്യൂമന് റിസോഴ്സസിന്റെ പുതിയ നിര്ദേശം. ജീവനക്കാര്, ഔട്ട്സോഴ്സിങ് വിഭാഗക്കാര്, പബ്ളിക് സര്വീസ് കമ്പനികളിലെ ജീവനക്കാര്, കണ്സള്ട്ടിങ് സേവനങ്ങളിലെ ജീവനക്കാര്, അവര് കരാറിലേര്പ്പെട്ടിരിക്കുന്ന സംഘത്തിലെ ജീവനക്കാര് എന്നിവരും ഓരോ രണ്ടാഴ്ചകളിലും കോവിഡ് പിസിആര് പരിശോധന പൂര്ത്തിയാക്കണമെന്ന് അധികൃതര് വ്യക്തമാക്കി.
National News: രാജ്യത്ത് രണ്ടാം ഡ്രൈ റണ് നാളെ; കേന്ദ്രമന്ത്രി ഇന്ന് സംസ്ഥാനങ്ങളുമായി യോഗം ചേരും