കീവ്: റഷ്യയുടെ അധിനിവേശത്തിനെതിരെ പ്രതിഷേധിക്കുന്ന ജനക്കൂട്ടത്തെ പിരിച്ചുവിടാനായി ആകാശത്തേക്ക് വെടിയുതിർത്ത് റഷ്യൻ സേന. യുക്രൈനിലെ ഖേർസണിലാണ് സംഭവം. നൂറുകണക്കിന് വരുന്ന പ്രദേശവാസികളെ പിരിച്ചുവിടാനാണ് റഷ്യൻ സൈനികർ ആകാശത്തേക്ക് വെടിയുതിർത്തത്.
ഈസ്റ്റേൺ യൂറോപ്യൻ മീഡിയ ഔട്ട്ലെറ്റ് സംഭവത്തിന്റെ വീഡിയോ ദൃശ്യങ്ങൾ പുറത്തുവിട്ടിട്ടുണ്ട്. നൂറുകണക്കിന് വരുന്ന യുക്രൈൻ സ്വദേശികൾ യുക്രൈൻ പതാകയും ഉയർത്തി റഷ്യയ്ക്കെതിരെ പ്രതിഷേധിക്കുന്നത് വീഡിയോയിൽ കാണാം. തുടർന്ന് ചില ആയുധധാരികൾ ഇവരെ പിരിച്ചുവിടാനായി ആകാശത്തേക്ക് വെടിയുതിർക്കുന്നതും വീഡിയോയിൽ വ്യക്തമാണ്.
റഷ്യൻ പട്ടാളം പിടിച്ചെടുത്ത യുക്രൈൻ നഗരങ്ങളിൽ ഒന്നാണ് ഖേർസൺ. മാർച്ച് മൂന്നിന് ഖേർസൺ റഷ്യ കീഴടക്കിയതായി യുക്രൈൻ അധികാരികൾ സ്ഥിരീകരിച്ചിരുന്നു. മൂന്ന് ലക്ഷത്തോളം ജനങ്ങളാണ് ഇവിടെ അധിവസിക്കുന്നത്. യുക്രൈന്റെ നിർണായക നഗരങ്ങളിൽ ഒന്ന് കൂടിയാണ് ഖേർസൺ.
In #Kherson, people also came out to protest against #Russian occupation. The occupiers are trying to disperse the rally with shots in the air. pic.twitter.com/nVGmruuiHt
— NEXTA (@nexta_tv) March 5, 2022
Most Read: സ്വന്തം മകൻ അലർജി, തൊട്ടാൽ ശരീരം ചൊറിയും; അമ്മക്ക് അപൂർവ രോഗം