ഡെല്ഹി: കോവിഡ് ബാധിച്ച് കഴിഞ്ഞ ദിവസം മരണപ്പെട്ട ഡെല്ഹിയിലെ ആംബുലന്സ് ഡ്രൈവര് ആരിഫ് ഖാന്റെ കുടുംബത്തിന് അനുശോചനം അറിയിച്ച് ഉപരാഷ്ട്രപതി എം വെങ്കയ്യ നായിഡു.
മരണത്തിന് തൊട്ട് മുന്പ് വരെ കോവിഡ് മഹാമാരിക്കെതിരെ പോരാടിയ ആരിഫ് ഖാന്റെ സേവനം രാജ്യത്തിന്റെ തന്നെ തത്വചിന്തകളായ സഹനത്തിന്റെയും കരുണയുടെയും പരസ്പര വര്ത്തിത്വത്തിന്റെയും പ്രതീകമാണെന്ന് ഉപരാഷ്ട്രപതി കുറിച്ചു. കൂടാതെ അദ്ദേഹത്തിന്റെ സമാധാനപൂര്ണമായ പരലോക വാസത്തിനായി പ്രാര്ത്ഥിക്കുമെന്നും ഉപരാഷ്ട്രപതി പറഞ്ഞു.
കഴിഞ്ഞ ആറ് മാസക്കാലം കോവിഡ് പ്രവര്ത്തനങ്ങളില് സജീവ സാന്നിധ്യമായിരുന്നു ആരിഫ് ഖാന്. കോവിഡ് രോഗികളെ ആശുപത്രിയില് എത്തിക്കുന്നതിനും മരണപ്പെട്ടവരുടെ മൃതദേഹങ്ങള് സംസ്കാരത്തിനായി എത്തിക്കുന്നതിനും 48 കാരനായ ഇദ്ദേഹം നിസ്വാര്ഥമായി പ്രവര്ത്തിച്ചിരുന്നു. കോവിഡ് ബാധിച്ച് മരണപ്പെട്ട 200 ഓളം പേരുടെ മൃതദേഹങ്ങളാണ് ആരിഫ് ഖാന് സംസ്കാര ചടങ്ങുകള്ക്കായി എത്തിച്ചത്.
ഒക്ടോബര് മൂന്നിനാണ് ആരിഫ് ഖാന് കോവിഡ് രോഗ ബാധ സ്ഥിരീകരിച്ചത്. ഇദ്ദേഹം ഡെല്ഹി എന്സിആര് മേഖലയില് കോവിഡുമായി ബന്ധപ്പെട്ട് സൗജന്യ സേവനങ്ങള് നല്കുന്ന ഷഹീദ് ഭഗത് സിംഗ് സേവാ ദളില് ജോലി ചെയ്തിരുന്നതായാണ് റിപ്പോര്ട്ടുകള്.
ഡെല്ഹിയിലെ ഹിന്ദു റാവു ആശുപത്രിയില് വെച്ചാണ് ആരിഫ് ഘാന് മരണത്തിന് കീഴടങ്ങിയത്.
Read Also: സംസ്ഥാനത്തെ വിനോദ സഞ്ചാര കേന്ദ്രങ്ങള് നാളെ മുതല് തുറക്കുന്നു