ന്യൂഡെല്ഹി: ഗുജറാത്തില് വിഎച്ച്പി റാലിക്കിടയിലെ നടത്തിയ അക്രമത്തില് 40 പേര് അറസ്റ്റില്. അയോധ്യയിലെ രാമക്ഷേത്ര നിര്മാണത്തിനുള്ള ഫണ്ട് ശേഖരണവുമായി ബന്ധപ്പെട്ടാണ് ഞായറാഴ്ച കച്ച് ജില്ലയില് വിഎച്ച്പി ആക്രമണം നടത്തിയത്. കൊലപാതകം, കലാപം, ഗൂഢാലോചന എന്നീ കുറ്റങ്ങള് ചുമത്തിയാണ് അറസ്റ്റ്.
ഘോഷയാത്രക്കിടെ രണ്ട് സമുദായങ്ങളിലെ അംഗങ്ങള് തമ്മില് ഏറ്റുമുട്ടുകയായിരുന്നു എന്നാണ് സംഭവത്തെക്കുറിച്ച് പൊലീസിന്റെ വിശദീകരണം. സംഭവത്തില് ഒരാള് മരിച്ചതായാണ് വിവരം. പൊലീസുകാര്ക്കുള്പ്പെടെ നിരവധിപേര്ക്ക് സംഘര്ഷത്തില് പരിക്ക് പറ്റിയിരുന്നു.
വിശ്വ ഹിന്ദു പരിഷത്ത് സംഘടിപ്പിച്ച റാലിയിലെ മത മുദ്രാവാക്യങ്ങള് മറ്റൊരു സമുദായത്തെ പ്രകോപിപ്പിച്ചതാണ് വാളും വടിയും ഉപയോഗിച്ചുള്ള ഏറ്റുമുട്ടലിലേക്ക് നയിച്ചതെന്ന് പൊലീസ് വ്യക്തമാക്കി. സംഘര്ഷ സ്ഥലത്തിനിന്ന് 200 കിലോമീറ്റര് മാറി ജാര്ഖണ്ഡ് സ്വദേശിയുടെ മൃതദേഹം കണ്ടെത്തിയിട്ടുണ്ട്. സംഘര്ഷത്തെ തുടര്ന്നാണോ ഇദ്ദേഹത്തിനെ മരണം എന്ന് വ്യക്തമല്ല.
Read also: ട്രാക്ടര് റാലി; കര്ഷക സംഘടനാ നേതാക്കളും പോലീസും കൂടിക്കാഴ്ച നടത്തി