തിരുവനന്തപുരം: കെഎസ്ആര്ടിസിയിലെ തൊഴിലാളി സംഘടനകള് 23ന് പ്രഖ്യാപിച്ച സമരത്തില് നിന്നും പിന്മാറണമെന്ന് ഗതാഗത മന്ത്രി എകെ ശശീന്ദ്രന്. കെഎസ്ആര്ടിസി വളരെയേറെ പ്രതിസന്ധി ഘട്ടത്തിലൂടെ കടന്ന് പോകുന്ന ഈ സമയത്ത് സമരം നടത്തുന്നത് ഇരിക്കുന്ന കൊമ്പ് മുറിക്കുന്നതിന് തുല്യമാണ്.
അത്തരം സമീപനം ജീവനക്കാരുടെ ഭാഗത്ത് നിന്നും ഉണ്ടാകില്ലെന്ന് പ്രതീക്ഷിക്കുന്നതായും മന്ത്രി പറഞ്ഞു. സമരം പ്രഖ്യാപിച്ച സംഘടനകളുമായി 22ന് കെഎസ്ആര്ടിസി സിഎംഡി ബിജുപ്രഭാകര് ചര്ച്ച നടത്തുമെന്നും മന്ത്രി പറഞ്ഞു.
കെഎസ്ആര്ടിക്കും ജീവനക്കാര്ക്കും, മുന്പ് ഒരു കാലത്തും കിട്ടാത്ത പരിഗണനയാണ് ഈ സര്ക്കാര് നല്കിയത്. സ്വയം പര്യാപ്തതക്കൊപ്പം ജീവനക്കാരുടെ അവകാശങ്ങളും സംരക്ഷിച്ചാണ് സര്ക്കാര് മുന്നോട്ട് പോയത്. ദീര്ഘകാലമായി മുടങ്ങിക്കിടക്കുന്ന ശമ്പള പരിഷ്കരണം ഉൾപ്പടെ പരിശോധിക്കും, മുഖ്യമന്ത്രി പ്രഖ്യാപിച്ചിട്ടുള്ള ഡിഎ പരിഷ്കരണം മാര്ച്ച് മാസം മുതല് നടപ്പിലാക്കും.
പത്ത് ശതമാനം പ്രമോഷന് ഉള്പ്പെടെയുള്ള ആനൂകൂല്യങ്ങളും നടപ്പിലാക്കും. എന്നാല് വരുമാനം വര്ദ്ധിപ്പിച്ച് ചിലവ് കുറച്ചാകും മുന്നോട്ട് പോകുകയെന്നും, സ്വയം പര്യാപ്തമല്ലാതെ കെഎസ്ആര്ടിസിക്ക് മുന്നോട്ട് പോകാനാകില്ലെന്നും മന്ത്രി പറഞ്ഞു.
Read Also: പ്രതിപക്ഷ നേതാവിന്റെ ഐശ്വര്യ കേരള യാത്ര ഇന്ന് സമാപിക്കും