വെള്ളറട: ഭര്തൃവീട്ടില് യുവതി ആത്മഹത്യ ചെയ്ത സംഭവത്തിൽ സമഗ്ര അന്വേഷണം ആവശ്യപെട്ട് കുടുംബം. കാട്ടാക്കട മഠത്തിക്കോണം സ്വദേശിയായ ബിനുവിന്റെ ഭാര്യ രാജലക്ഷ്മിയാണ് മരിച്ചത്. പെൺകുട്ടി ആത്മഹത്യക്ക് ശ്രമിച്ചെന്ന് ചൂണ്ടിക്കാട്ടി ഭർത്താവ് ബിനുവും മാതാവും ചേർന്ന് കുട്ടിയെ ആശുപത്രിയിൽ എത്തിച്ച് കടന്നുകളഞ്ഞതാണ് കുടുംബത്തിന് സംശയം ജനിപ്പിച്ചത്.
സ്ത്രീധനം കുറഞ്ഞുവെന്ന് ചൂണ്ടിക്കാട്ടി കൂടുതൽ പണം ആവശ്യപ്പെട്ട് പലതവണ രാജലക്ഷ്മിയെ ഉപദ്രവിക്കുകയും മാനസികമായി പീഡിപ്പിച്ചതായും ബന്ധുക്കൾ വെളിപ്പെടുത്തി. അതേസമയം ആശുപത്രിയിൽ എത്തിച്ച സമയത്ത് തന്നെ യുവതി മരിച്ചിരുന്നുവെന്നാണ് ആശുപത്രി അധികൃതർ നൽകിയ വിശദീകരണം. കേസിൽ സമഗ്ര അന്വേഷണം ആവശ്യപ്പെട്ട് മുഖ്യമന്ത്രിക്ക് പരാതി നൽകാൻ ഒരുങ്ങുകയാണ് ബന്ധുക്കൾ.
Read also: രാഷ്ട്രീയ കൊലപാതകങ്ങള് ആശങ്ക സൃഷ്ടിക്കുന്നു; കാനം രാജേന്ദ്രന്