ആശങ്ക ഒഴിയുന്നില്ല; ലോകത്ത് 24 മണിക്കൂറിനിടെ 4.20 ലക്ഷം പേര്‍ക്ക് കോവിഡ്

By Staff Reporter, Malabar News
world covid-update
Representational Image
Ajwa Travels

ന്യൂയോര്‍ക്ക്: ലോകത്ത് കോവിഡ് ബാധിതരുടെ എണ്ണം കുതിച്ചുയരുന്നു. കഴിഞ്ഞ 24 മണിക്കൂറിനിടെ 4.20 ലക്ഷം പേര്‍ക്ക് രോഗം സ്‌ഥിരീകരിച്ചതായി വേള്‍ഡോമീറ്ററിന്റെ കണക്കുകൾ വ്യക്‌തമാക്കുന്നു. ഇതോടെ ലോകത്തെ ആകെ കോവിഡ് രോഗബാധിതരുടെ എണ്ണം 18.72 കോടി പിന്നിട്ടു. 17 കോടി 12 ലക്ഷത്തിലേറെ പേര്‍ ഇതുവരെ രോഗമുക്‌തി നേടിയപ്പോൾ മരണസംഖ്യ 40,42,867 ആയി ഉയർന്നു.

നിലവിൽ 11,988,519 സജീവ കേസുകളാണ് ലോകത്താകമാനം ഉള്ളതെന്നാണ് കണക്കുകൾ വ്യക്‌തമാക്കുന്നത്‌.

ബ്രസീലിലാണ് കഴിഞ്ഞ 24 മണിക്കൂറിനിടെ ഏറ്റവും കൂടുതല്‍ പേര്‍ക്ക് കോവിഡ് സ്‌ഥിരീകരിച്ചത്. അരലക്ഷത്തിനടുത്ത് കേസുകൾ ഇവിടെ റിപ്പോര്‍ട് ചെയ്‌തു. ഇതോടെ ആകെ രോഗബാധിതരുടെ എണ്ണം ഒരു കോടി 90 ലക്ഷം പിന്നിട്ടു. 5.32 ലക്ഷം പേർക്കാണ് ഇതുവരെ കോവിഡ് മൂലം രാജ്യത്ത് ജീവൻ നഷ്‌ടമായത്‌.

അമേരിക്കയാണ് രോഗബാധിതരുടെ എണ്ണത്തിൽ ലോകത്ത് മുന്നിട്ടുനിൽക്കുന്നത്. 34,726,111 പേർക്കാണ് യുഎസിൽ ഇതുവരെ കോവിഡ് സ്‌ഥിരീകരിച്ചത്‌. 622,821 പേർ മരണമടഞ്ഞ രാജ്യത്ത് നിലവിൽ 4,868,360 സജീവ കേസുകളാണുള്ളത്.

അതേസമയം രോഗബാധിതരുടെ എണ്ണത്തിൽ രണ്ടാമതുള്ള ഇന്ത്യയില്‍ കഴിഞ്ഞദിവസം 42,766 പേര്‍ക്കാണ് വൈറസ് ബാധ സ്‌ഥിരീകരിച്ചത്. ആകെ രോഗബാധിതരുടെ എണ്ണം 3.07 കോടി കടന്നു. നിലവില്‍ 4.55 ലക്ഷം പേരാണ് ചികിൽസയിൽ കഴിയുന്നതെന്ന് ആരോഗ്യ മന്ത്രാലയം അറിയിച്ചു.

Most Read: ‘കോപ്പ’യിൽ മുത്തമിട്ട് അർജന്റീന; കാനറിപ്പടയെ തകർത്ത് മിശിഹായുടെ കിരീടനേട്ടം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE