ഹരിയാന: കേന്ദ്ര സര്‍ക്കാരിന്റെ കാര്‍ഷിക നിയമങ്ങള്‍ക്കെതിരെ കര്‍ഷകര്‍ നടത്തുന്ന ‘ഡെല്‍ഹി ചലോ’ മാര്‍ച്ച് പുരോഗമിക്കുന്നതിനിടെ മാദ്ധ്യമങ്ങളോട് ചോദ്യം ചോദിച്ച് സാമൂഹ്യപ്രവര്‍ത്തകനായ യോഗേന്ദ്ര യാദവ്. കര്‍ഷകരുടെ വേദനയാണോ ട്രാഫിക് ജാമാണോ മാദ്ധ്യമങ്ങള്‍ വാര്‍ത്തയാക്കുകയെന്ന് നോക്കാമെന്നാണ് യോഗേന്ദ്ര യാദവ് ട്വീറ്റ് ചെയ്‌തത്.
‘ഇന്ന് മാദ്ധ്യമങ്ങള്‍ക്കും പരീക്ഷ നടക്കുകയാണ്. ആ കര്‍ഷകരുടെ വേദനയാണോ അതോ ട്രാഫിക് തടസം മാത്രമാണോ അവരുടെ കണ്ണില്‍ പെടുക?’ എന്നാണ് യോഗേന്ദ്ര യാദവിന്റെ ട്വീറ്റില്‍ പറയുന്നത്. പ്രശാന്ത് ഭൂഷണടക്കമുള്ള നിരവധി പേര്‍ റീട്വീറ്റ് ചെയ്‌തിട്ടുണ്ട്.
आज मीडिया की भी परीक्षा है:
उस किसानों का दर्द दिखता है, या सिर्फ ट्रैफिक की समस्या?— Yogendra Yadav (@_YogendraYadav) November 26, 2020
പഞ്ചാബ്- ഹരിയാന അതിര്‍ത്തിയിലെ അംബാലക്ക് സമീപത്തെ ശംഭു ബോര്‍ഡറില്‍ പൊലീസ് കര്‍ഷകര്‍ക്ക് നേരെ ജലപീരങ്കിയും കണ്ണീര്‍ വാതകവും പ്രയോഗിച്ചു. കര്‍ഷക ബില്‍ പാസാക്കിയതിന്റെ അടുത്ത ദിവസം മുതല്‍ പഞ്ചാബ്, ഹരിയാന തുടങ്ങിയ സംസ്‌ഥാനങ്ങളില്‍ കേന്ദ്രസര്‍ക്കാരിനെതിരെ അതിരൂക്ഷമായ പ്രതിഷേധമാണ് നടന്നുവരുന്നത്.
