ഷിംല: ഹിമാചൽ പ്രദേശിലെ കന്നൗറിൽ ദേശീയപാതയില് ഉണ്ടായ കനത്ത മണ്ണിടിച്ചിലില് മരണം 11 ആയി. നിരവധി പേര് മണ്ണില് കുടുങ്ങി കിടക്കുന്നതായാണ് വിവരം. രക്ഷാ പ്രവർത്തനം തുടരുകയാണ്. ഉച്ചയ്ക്ക് 12.45ന് വാഹനങ്ങൾ ദേശീയ പാതയിലൂടെ കടന്നു പോകുമ്പോഴായിരുന്നു അപകടം.
ഹിമാചല് ട്രാന്സ്പോര്ട് കോര്പറേഷന് ബസും ട്രക്കും വിനോദ സഞ്ചാരികളുടെ കാറുകളും അപകടത്തില്പ്പെട്ടു. മണ്ണും പാറയും ഇടിഞ്ഞു വീണതോടെ വാഹനങ്ങള് പൂര്ണമായി തകര്ന്നു. ഗതാഗതവും തടസപ്പെട്ടു. ദിവസങ്ങളായി തുടരുന്ന കനത്ത മഴയെ തുടര്ന്നാണ് മണ്ണിടിച്ചില് ഉണ്ടായതെന്നാണ് റിപ്പോര്ട്.
അടിയന്തര രക്ഷപ്രവർത്തനത്തിന് ഹിമാചൽ പ്രദേശ് മുഖ്യമന്ത്രി ജയറാം ഠാക്കൂർ നിർദ്ദേശം നൽകിയിട്ടുണ്ട്. ആദ്യ ഘട്ടത്തിൽ ഇന്തോ ടിബറ്റന് ബോര്ഡര് പോലീസും ദുരന്ത നിവാരണ സേനയുമാണ് രക്ഷാ പ്രവര്ത്തനത്തിന് നേത്യത്വം നൽകിയത്. പിന്നാലെ ദേശീയ ദുരന്തനിവാരണ സേനയുടെ 25 പേർ അടങ്ങുന്ന സംഘവും എത്തി. പ്രധാനമന്ത്രി നരേന്ദ്രമോദിയും ആഭ്യന്തരമന്ത്രി അമിത് ഷായും ഹിമാചൽ മുഖ്യമന്ത്രിയെ ഫോണിൽ വിളിച്ച് കേന്ദ്രസഹായം ഉറപ്പ് നൽകിയിട്ടുണ്ട്.
Malabar News: ജില്ലയിലെ രണ്ട് പഞ്ചായത്തുകളിൽ സമ്പൂർണ ലോക്ക്ഡൗൺ