ന്യൂഡെൽഹി : രാജ്യത്ത് കഴിഞ്ഞ 24 മണിക്കൂറിലും കോവിഡ് ബാധിതരായവരുടെ എണ്ണം ഒന്നര ലക്ഷത്തിന് താഴെയാണ് റിപ്പോർട് ചെയ്തത്. 1,34,154 പേർക്കാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് സ്ഥിരീകരിച്ചത്. കൂടാതെ കോവിഡ് ബാധിച്ച് മരിച്ചവരുടെ എണ്ണം കഴിഞ്ഞ ദിവസം മുവായിരത്തിന് താഴെയെത്തി. 2,887 പേരാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് ബാധിച്ചു മരിച്ചത്.
അതേസമയം രാജ്യത്ത് കഴിഞ്ഞ 24 മണിക്കൂറിൽ കോവിഡ് മുക്തരായ ആളുകളുടെ എണ്ണം 2,11,499 ആണ്. പ്രതിദിന രോഗബാധിതരേക്കാൾ കൂടുതൽ ആളുകൾ രോഗമുക്തി നേടുന്നതിനാൽ രാജ്യത്ത് ചികിൽസയിൽ കഴിയുന്ന ആളുകളുടെ എണ്ണത്തിലും കുറവ് രേഖപ്പെടുത്തുന്നുണ്ട്. 17,13,413 ആളുകളാണ് നിലവിൽ കോവിഡ് ബാധിച്ച് രാജ്യത്ത് ചികിൽസയിൽ കഴിയുന്നത്.
രാജ്യത്ത് ഇതുവരെ കോവിഡ് സ്ഥിരീകരിച്ച ആകെ കോവിഡ് ബാധിതരുടെ എണ്ണം 2,84,41,986 ആയി ഉയർന്നു. ഇവരിൽ 2,63,90,584 ആളുകളും ഇതുവരെ കോവിഡ് മുക്തരായിട്ടുണ്ട്. രാജ്യത്ത് കഴിഞ്ഞ പത്ത് ദിവസമായി പ്രതിദിന കോവിഡ് പോസിറ്റിവിറ്റി നിരക്ക് 10 ശതമാനത്തിൽ താഴെയാണ് തുടരുന്നത്. കൂടാതെ 22,10,43,693 പേർ രാജ്യത്ത് ഇതുവരെ വാക്സിൻ സ്വീകരിച്ചതായും ഔദ്യോഗിക കണക്കുകൾ വ്യക്തമാക്കുന്നുണ്ട്.
Read also : രാജ്യത്തെ വൈദ്യുതി ഉപഭോഗം കഴിഞ്ഞ വർഷത്തേക്കാൾ കൂടി